სიახლე
ზურაბ ადეიშვილს საქართველოს მოქალაქეობა შეუწყდა
საქართველოს ყოფილ იუსტიციის მინისტრს და ყოფილ გენერალურ პროკურორს ზურაბ ადეიშვილს საქართველოს მოქალაქეობა შეუწყდა.

ზურაბ ადეიშვილმა საქართველოს მოქალაქეობის შეწყვეტის მოთხოვნით იუსტიციის სამინისტროს თავად მიმართა.

ადეშვილისთვის საქართველოს მოქალაქეობის შეწყვეტის შესახებ ინფორმაცია „პუბლიკას“ იუსტიციის სამინისტროში დაუდასტურეს.

„მიმდინარე წლის 4 მარტს, საქართველოს იუსტიციის სამინისტროს სსიპ სახელმწიფო სერვისების განვითარების სააგენტოს განცხადებით მომართა ზურაბ ადეიშვილმა (წარმომადგენლის მეშვეობით) და მოითხოვა საქართველოს მოქალაქეობის შეწყვეტა, რადგან უკრაინის მოქალაქეობა მიიღო.

სააგენტომ თავად განმცხადებლის მიერ მოთხოვნილ 80-დღიან ვადაში განიხილა და შეისწავლა ზურაბ ადეიშვილისთვის საქართველოს მოქალაქეობის შეწყვეტის სამართლებრივი საფუძველი, რის შემდეგაც, საქართველოს მოქალაქეობის შეწყვეტის თაობაზე მომზადებული დასკვნა, მოქმედი კანონმდებლობისა და პროცედურების შესაბამისად, მიმდინარე წლის 7 მაისს გაეგზავნა საქართველოს პრეზიდენტს.

საქართველოს პრეზიდენტის 2021 წლის 13 მაისის № 204 ბრძანებულებით, „საქართველოს მოქალაქეობის შესახებ“ საქართველოს ორგანული კანონის 21-ე მუხლის პირველი პუნქტის „გ“ ქვეპუნქტის შესაბამისად, უკრაინის მოქალაქეობის მოპოვებასთან დაკავშირებით, ზურაბ ადეიშვილს მისივე მოთხოვნით შეუწყდა საქართველოს მოქალაქეობა, “- ა
მბობენ იუსტიციის სამინისტროში.

წყარო: პუბლიკა
FaceBook Twitter Google
დაიცავი დისტანცია