ქუთაისში, ჭავჭავაძის გამზირზე სროლა იყო. ქუთაისიპოსტის ცნობით,
ქალაქის ცენტრალურ ნაწილში რამდენჯერმე გასროლის შედეგად ერთი
ადამიანი დაშავდა.
ადგილობრივი გამოცემა წერს, რომ სროლა ფიზიკურ დაპირისპირებას
მოჰყვა.
შინაგან საქმეთა სამინისტროში On.ge-ს უთხრეს, რომ გამოძიება სისხლის
სამართლის კოდექსის 236-ე და 117-ე მუხლებით მიმდინარეობს, რაც
ცეცხლსასროლი იარაღის შეძენა/ შენახვასა და ჯანმრთელობის განზრახ
მძიმე დაზიანებას გულისხმობს.