საქართველოდან კარტოფილის ექსპორტი რეკორდულად გაიზარდა.
საქსტატის მონაცემებით, 2021 წლის იანვარ-სექტემბერში ქვეყნიდან 30
006 ტონა კარტოფილი გავიდა, (ჯამში 10.595 მლნ დოლარის ღირებულების),
რაც გასული წლის ანალოგიურ პერიოდთან შედარებით თითქმის 10-ჯერ მეტია.
2020 წლის 9 თვეში კარტოფილის ექსპორტმა 3 012 ტონა შეადგინა (917.3
ათასი დოლარი). ამაზე დიდი რაოდენობით პროდუქტი ქვეყნიდან 2017 წლის 9
თვეში გავიდა, მაშინ საქართველომ უცხოეთში 35 681 ტონა კარტოფილი
გაყიდა. განსხვავება მხოლოდ მთავარი ექსპორტიორი ქვეყანა იყო, 2017-ში
პროდუქტის 98,5% აზერბაიჯანში გავიდა.
რაც შეეხება 2021 წლის იანვარ-სექტემბერს და ექსპორტიორ ქვეყნებს,
წელს ქართული კარტოფილი ძირითადად 8 ქვეყანაში გავიდა, ყველაზე დიდი
რაოდენობით კი რუსეთში - მთლიანი ექსპორტის 68%.
Top-5 ქვეყანა, სადაც 2021 წლის 9 თვეში საქართველოდან ყველაზე დიდი
რაოდენობით კარტოფილი გავიდა:
- რუსეთი - 20 403 ტონა (9.009 მლნ დოლარი)
- აზერბაიჯანი - 4 924 ტონა (614.2 ათასი
დოლარი)
- მოლდოვა - 1 738 ტონა (319.6 ათასი დოლარი)
- თურქმენეთი - 871 ტონა (125.3 ათასი
დოლარი)
- ბელარუსი - 669 ტონა (177.1 ათასი დოლარი)