ბათუმში კოვიდზე 34 ბავშვი მკურნალობს, მათგან 4 ჟანგბადდამოკიდებულია
ბათუმის იაშვილის კლინიკაში კორონავირუსზე 34 ბავშვი მკურნალობს. როგორც კლინიკაში „ბათუმელებს“ უთხრეს, მათგან ოთხი ბავშვი ჟანგბადდამოკიდებულია. „30 ბავშვის მდგომარეობა კი საშუალო სიმძიმისაა“.

27 ოქტომბრის მონაცემებით, აჭარაში კორონავირუსის 115 ახალი შემთხვევა დადასტურდა. ბოლო 24 საათში აჭარაში კოვიდით 3 პაციენტი გარდაიცვალა.

ქვეყნის მასშტაბით კი მდგომარეობა გაცილებით მძიმეა. ბოლო 24 საათში 4 337 ახალი შემთხვევა დადასტურდა და 42 პაციენტი გარდაიცვალა. დადებითობის მაჩვენებელი 8.12 პროცენტია.

დაავადებთა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში კოვიდით მთლიანობაში 103 927 ბავშვი და მოზარდი დაინფიცირდა [0-დან 18 წლამდე]. მათ შორის 9 გარდაიცვალა.

წყარო: batumelebi.netgazeti.ge
Print