სათამაშო ბიზნესის წარმომადგენლები პრემიერ-მინისტრს პასუხობენ
სათამაშო ბიზნესის წარმომადგენლები პრემიერ-მინისტრ ირაკლი ღარიბაშვილის ინიციატივას პასუხობენ, რომლის მიხედვითაც ამ მიმართულების საქმიანობისთვის გადასახადების გაზრდა 70%-მდე განიხილება და შეზღუდვებს დამატებითი რეგულაციები ემატება.

ბიზნესის წარმომადგენლები ამბობენ, რომ ამ პირობებში მთელი რიგი აქტივობების შეწყვეტა მოუხდებათ, როგორიცაა სპონსორობა და სპორტული მიმართულების პროდუქტების შეჩერება.

"დღევანდელი მოცემულობით, თუ მთავრობა შეინარჩუნებს ცალმხრივ პოზიციას და არ წამოვა ბიზნესთან კონსტრუქციულ დიალოგზე, იძულებული ვიქნებით, შესაბამისად მოვახდინოთ ხარჯების ოპტიმიზაცია, უარი ვთქვათ მთელ რიგ სოციალურ თუ სხვა პროექტებზე, მათ შორის სპონსორობაზე და ვინაიდან გაცხადებული ცვლილებებით აზრი ეკარგება ბიზნესის სპორტულ ნაწილს, ბიზნესი იძულებული გახდება, განიხიოს სპორტის პროდუქტის ონლაინ ტოტალიზატორის გათიშვის საკითხი", - განაცხადა სათამაშო ბიზნესის ასოციაციის ხელმძღვანელმა გიორგი მამულაიშვილმა.

წყარო: report.ge
Print ელ. ფოსტა
FaceBook Twitter Google
მსგავსი სიახლეები
დაიცავი დისტანცია