საქართველოს ბიზნეს სექტორის ბრუნვამ 2021 წელს 150 მილიარდ ლარს
მიაღწია - ამის შესახებ საქსტატის მიერ დღეს გამოქვეყნებული
ანგარიშიდან ხდება ცნობილი.
2020 წელთან შედარებით ეს ბრუნვა 31.5%-ით მეტია. როგორც საქსტატის
ანგარიდან ირკვევა, ბრუნვის უდიდესი ნაწილი მსხვილ ბიზნესზე
მოდის.
- მსხვილი ბიზნესი - 98 მილიარდი ლარი;
- საშუალო ბიზნესი - 24.4 მილიარდი ლარი;
- მცირე ბიზნესი - 27.8 მილიარდი ლარი.
საქსტატის თანახმად, კერძო სექტორი 2021 წელს 744 ათას ადამიანს
ასაქმებდა. ამასთან, ამ მხრივაც პირველ ადგილზე მსხვილი ბიზნესია,
რომელიც ამ ადამიანთა 38%-ს ასაქმებს, 20% საშუალო ბიზნესზე, ხოლო
მცირე ბიზნესი 42%-ს ასაქმებს.
2021 წელს ბიზნეს სექტორის ბრუნვის სტრუქტურაში ყველაზე მაღალი წილი -
36.4 პროცენტი მოდის ვაჭრობის დარგზე (ავტომობილების და მოტოციკლების
რემონტის ჩათვლით). მეორე ადგილზეა ხელოვნება, გართობა და დასვენება
32.0 პროცენტიანი წილით (აზარტული თამაშები), შემდეგ მოდის
დამამუშავებელი მრეწველობა - 9.8 პროცენტიანი წილით, მშენებლობა - 5.5
პროცენტიანი წილით, ტრანსპორტი და დასაწყობება - 4.6 პროცენტიანი
წილით, ელექტროენერგიის, აირის, ორთქლის და კონდიცირებული ჰაერის
მიწოდება - 3.2 პროცენტიანი წილით.
2022 წლის პირველ ნახევარში საქართველოს კერძო სექტორის ბრუნვა 80.3
მილიარდი ლარი იყო.