მოსკოვის რამდენიმე რაიონში ფრინველის გრიპის დაფიქსირების გამო
კარანტინი გამოაცხადეს. ინფორმაციას ამის შესახებ gazeta.ru
ავრცელებს.
მედიასაშუალების ცნობით, კარანტინის ზონა მოიცავს მოსკოვის 10-ზე მეტ
რაიონს, სადაც აიკრძალა როგორც ფრინველის შეყვანა-გამოყვანა, ასევე,
ბაზრობების გამართვა.
როგორც ხელისუფლებაში აცხადებენ, ჯერჯერობით, დაფიქსირებული არ არის
ვირუსის ფრინველიდან ადამიანზე გადაცემის შემთხვევები.
როგორც gazeta.ru იტყობინება, ფრინველის გრიპის შემთხვევები 19
აპრილიდან დააფიქსირეს რუსეთის სხვადასხვა ტერიტორიაზე როგორც შინაურ
ფრინველებში, ისე — გარეულში.