ავტომომსახურება ძვირდება საქართველოში. აღნიშნულს მოწმობს სტატისტიკის ეროვნული სამსახურის მონაცემები.

საქსტატის მონაცემებით, 2024 წლის თებერვალში, წინა წლის ანალოგიურ პერიოდთან შედარებით, გაძვირებულია ავტომობილის შეკეთების და რეცხვის ფასები.

უფრო კონკრეტულად, წლიურ ჭრილში გაძვირებულია:

• ავტომობილის რეცხვის გადასახდელი - 36.9%-ით;
• ავტომობილის შეკეთება - 15.4%-ით;
• ავტომობილის ზეთისა და ფილტრის შეცვლა - 5.2%-ით.

ამასთან, ოფიციალური მონაცემებით, გაზრდილია ზოგადად მსუბუქი ავტომობილების ღირებულებაც. კერძოდ, ახალი მსუბუქი ავტომობილის ფასი - 4.5%-ით, ხოლო მეორადი მოხმარების მსუბუქი ავტომობილის - 5.4%-ით არის გაზრდილი.

რაც შეეხება სხვადასხვა ავტონაწილებს, ამ შემთხვევაში თებერვალში წინა წლის ანალოგიურ პერიოდთან შედარებით, ფასის კლება დაფიქსირდა.

• ავტომობილის სათადარიგო ნაწილები გაიაფდა - 5%-ით;
• ავტომობილის საბურავი გაიაფდა - 7.4%-ით;
• ავტომობილის აკუმულატორი გაიაფდა - 7.4%-ით.