დარწმუნებული ვარ, პრეზიდენტ ტრამპის ლიდერობა უზრუნველყოფს გლობალურ მშვიდობას

დარწმუნებული ვარ, პრეზიდენტ ტრამპის ლიდერობა უზრუნველყოფს გლობალურ მშვიდობას – კობახიძე

13:43 / 06.11.2024

პრემიერ-მინისტრმა ირაკლი კობახიძემ დონალდ ტრამპს აშშ-ს საპრეზიდენტო არჩევნებში გამარჯვება მიულოცა.
მისალოც ტექსტში კობახიძემ კვლავ ახსენა ტერმინი გადატვირთვა, რომელსაც ის ხშირად იყენებს ქართულ-ამერიკული ურთიერთობების პერსპექტივებზე საუბრისას.

“ვულოცავ პრეზიდენტ ტრამპს ამ გადამწყვეტ გამარჯვებას არჩევნებში. მე დარწმუნებული ვარ, რომ პრეზიდენტი ტრამპის ლიდერობა უზრუნველყოფს მშვიდობას გლობალურად და ჩვენს რეგიონში, ისევე როგორც აშშ-საქართველოს ურთიერთობების გადატვირთვას”, – წერს კობახიძე.

Congratulations to President @realDonaldTrump on His decisive victory in the election. I am confident that President Trump’s leadership will promote peace globally and in our region as well as ensure restart in 🇺🇸-🇬🇪 relations.
— Irakli Kobakhidze (@PM_Kobakhidze) November 6, 2024

5 ნოემბერს შეერთებულ შტატებში საპრეზიდენტო არჩევნები გაიმართა, რომელშიც რესპუბლიკელი კანდიდატი, ექსპრეზიდენტი დონალდ ტრამპი ლიდერობს. აშშ-ში ხმებს ჯერ კიდევ ითვლიან. თუმცა, ტრამპმა უკვე გაიმარჯვა ორ მერყევ შტატში: ჯორჯიასა და ჩრდილოეთ კაროლინაში, იგი სხვა მერყევ შტატებშიც ლიდერობს.

წყარო: ნეტგაზეთი