აზერბაიჯანსა და სომხეთს შორის სამშვიდობო ხელშეკრულების ტექსტზე მუშაობა დასრულდა

– ინფორმაციას ადგილობრივი მედია აზერბაიჯანის საგარეო საქმეთა მინისტრზე დაყრდნობით ავრცელებს.

ჯეიჰუნ ბაირამოვის ცნობით, ერევანი დათანხმდა აზერბაიჯანის წინადადებებს დარჩენილ ორ საკითხზე, მათ შორის ევროკავშირის სადამკვირვებლო მისიის სომხეთ-აზერბაიჯანის საზღვრიდან გაყვანასა და საერთაშორისო ინსტანციებში დავების შეწყვეტაზე.

„ტექსტზე მუშაობა დასრულდა. შემდეგი ნაბიჯია სომხეთის კონსტიტუციიდან აზერბაიჯანის მიმართ ტერიტორიული პრეტენზიების ამოღების საკითხი. ამასთან, უნდა გაუქმდეს

მინსკის ჯგუფი და მისი ნარჩენები”, – განაცხადა მან.

მედიის ცნობით, აზერბაიჯანსა და სომხეთს შორის სამშვიდობო მოლაპარაკებების ხელშეკრულება 17 პუნქტისგან შედგება, მათგან ორზე მხარეები დიდი ხნის განმავლობაში ვერ თანხმდებოდნენ.