2022 წლის ივნისში, საქართველოში 3-ვარსკვლავიანი სასტუმროების
საშუალო ფასმა 157 ლარი შეადგინა,
ხოლო 4-ვარსკვლავიანი სასტუმროების საშუალო ფასმა - 245 ლარი. ამის
შესახებ pmcg-ს კვლევაშია აღნიშნული.
მათივე ცნობით, საოჯახო ტიპის სასტუმროების საშუალო ფასმა მაისში 110
ლარი შეადგინა. 5-ვარსკვლავიან სასტუმროთა საშუალო ფასმა ივნისში 519
ლარი შეადგინა. გურიაში ამ ტიპის სასტუმროებში, სტანდარტული
2-ადგილიანი ნომრის საშუალო ფასმა - 702 ლარი შეადგინა, კახეთში -
575, თბილისში - 568, ხოლო აჭარაში - 552 ლარი იყო.
pmcg -ს კვლევის თანახმად, საქართველოში სასტუმროების ფასების ინდექსი
2022 წლის ივნისში, მაისთან შედარებით, 7.5%-ით გაიზარდა, მათ შორის
3, 4 და 5 ვარსკვლავიანი სასტუმროების ფასების ინდექსი 7.6%-ით, ხოლო
საოჯახო ტიპის სასტუმროების ფასები 9.8%-ით არის გაზრდილი.
წინა წლის ამავე პერიოდთან შედარებით კი, 2022 წლის ივნისში,
სასტუმროების ფასების ინდექსი 10.2%-ით არის გაზრდილი, მათ შორის 3, 4
და 5 ვარსკვლავიანი სასტუმროების ფასების ინდექსი 8.4%-ით, ხოლო
საოჯახო ტიპის სასტუმროების ფასები 15.2%-ით გაიზარდა.