სიახლე
I-IV კლასის მოსწავლეებისთვის სასკოლო სივრცეში გაკვეთილების ჩატარება სავალდებულო იქნება
2020-2021 სასწავლო წლის დაწყებისთვის, საქართველოს განათლების სამინისტრომ ჯანდაცვის სამინისტროს რეგულაციების გათვალისწინებით, სკოლებისთვის რეკომენდაციები შეიმუშავა.

არსებული რეკომენდაციების საფუძველზე, 2084 საჯარო სკოლაში ახალი სასწავლო წელი საკლასო ოთახებში 15 სექტემბერს განახლდება.

სამინისტროს ინფორმაციით, გაკვეთილების ჩატარება I-IV კლასის მოსწავლეებისთვის სასკოლო სივრცეში სავალდებულო იქნება.

„სკოლის ადმინისტრაციის მიერ, საჭიროების შემთხვევაში, შერეული მოდელის დანერგვისას, V-VI კლასებში დისტანციური სწავლება შესაძლებელი იქნება კვირაში მაქსიმუმ 1 დღე, VII – XI კლასებში მაქსიმუმ 2 დღე, ხოლო XII კლასში – მაქსიმუმ 3 დღე. შერეული სწავლების მოდელი შეთანხმებული უნდა იყოს საქართველოს განათლების, მეცნიერების, კულტურისა და სპორტის სამინისტროსთან და საგანმანათლებლო რესურსცენტრთან.” –
ნათქვამია პრესრელიზში, რომელსაც განათლების სამინისტრო ავრცელებს.

სამინისტროს მიერ სკოლებისთვის შემუშავებული რეგულაციების შესახებ დეტალური ინფორმაცია იხილეთ ბმულზე.

წყარო: პუბლიკა
FaceBook Twitter Google
მსგავსი სიახლეები
დაიცავი დისტანცია