მარნეულის მუნიციპალიტეტის მერია სოფელ წერაქვში „ჯავახიშვილობა 2022“-ის გამართვას გეგმავს. ღონისძიება 8 ნოემბერს 12 საათზე გაიმართება. ადგილობრივმა თვითმაართველობამ ამ დღის აღსანიშნავად მუნიციპალიტეტის ბიუჯეტიდან 25 185 ლარი გაითვალისწინა და ტენდერი 13 ოქტომბერს გამოაცხადა.

• მარნეულის მუნიციპალიტეტის სოფ. წერაქვში, მიხეილ ჯავახიშვილის მუზეუმის მიმდებარე ეზო გაფორმდება დეკორაციებით, ძირითადად წარმოდგენილი იქნება მე-20 საუკუნის დასაწყისის დეკორაციები და იმიტირებული ლიტერატურული სალონები (დაახლოებით 3 ლოკაცია).
• 12 : 00 - ქართველი მწერლის ძეგლის ყვავილებით შეიმკობა და XX საუკუნის დასაწყისის
• სახელმწიფო ჰიმნის „დიდება“ შესრულება. (ანსამბლი ჰუჯაბი)
• 12 : 10 - სტუმრები გაემართებიან მუზეუმისკენ სადაც დახვდებათ მუზეუმის დირექტორი, რომელიც მეგზურობას გაუწევს სტუმრებს და გააცნობს მუზეუმის ისტორიას.
• 12 : 40 - მუზეუმის ეზოს დათვალიერება, რომელიც დატვირთული იქნება მრავალფეროვანი შთამბეჭდავი დეკორაციებით. ( კოსტიუმირებული წარმოდგენა. ცოცხალი მანეკენებით განსახიერებული ქართული ლიტერატურული სალონი) .
• 13 : 00 - ღონისძიების კულმინაცია იქნება მინი სპექტაკლი „ფრაგმენტები ჯავახიშვილის ნაწარმოებებიდან“ (დაახლოებით 9 მსახიობი, რეჟისორთან შეთანხმებით წარმოგვიდგენს სცენებს სპექტაკლებიდან: კურდღელი, არსენა მარაბდელი, ლამბალო და ყაშა და სხვა ) .
• 13 : 30 - ოფიციალური პირების სიტყვით გამოსვლა სცენაზე
• 13 : 45 - სპექტაკლის დასრულების შემდეგ მოწვეული სტუმრები ადიან სცენაზე, ესალმებიან დამსწრე საზოგადოებას და იხსენებენ მწერლის შემოქმედებას.

"მიხეილ ჯავახიშვილის ოჯახის წევრები, საქართველოს კულტურის სპორტისა და ძეგლთა დაცვის სამინისტროს წარმომადგენლები, ლიტერატურის მუზეუმის წარმომადგენლები, მწერალთა კავშირის წევრები, ქვემო ქართლის გუბერნიიდან" - ვკითხულობთ მერიის ტენდერში

ჩამოთვლილი აქტივობების შესრულება გამარჯვებულ კომპანიას მოუწევს. მსურველ პრეტენდენტებს ტენდერში მონაწილეობის მიღება 22-25 ოქტომბრის პერიოდში შეეძლებათ.

გარეკანის ფოტო: მარნეულის მერია