სიახლე
„ინტერმედია 2019“-ის გამარჯვებული მარნეულის N6 საჯარო სკოლა გახდა
„ინტერმედია 2019“-ის გამარჯვებული მარნეულის N6 საჯარო სკოლა გახდა. კონკურსში სულ 6 ჯგუფი იღებდა მონაწილეობას რომლებიც მარნეული N6, მარნეულის N1, საბირქენდის, ალგეთის N1, შაუმიანისა და საიმერლოს საჯარო სკოლების მოსწავლეებით იყო დაკომპლექტებული.

კონკურსში მონაწილე თითოეულმა სკოლამ სხვადასხვა ქვეყნის კულტურა, ისტორია და ხელოვნება მცირე წარმოდგენის სახით დადგეს, რომელიც იუმორისტული ნომრებითაც იყო გაჯერებული.

როგორც ჩვენთან საუბრისას მარნეულის N6 საჯარო სკოლის ქართული ენისა და ლიტერატურის მასწავლებელმა ნანა ჩუბინიძემ თქვა, დადგმის მომზადების ეტაპი საკმაოდ რთული იყო და უხარია, რომ მათმა შრომამ შედეგი გამოიღო.

„პროგრამა გათვლილი იყო, რომ იუმორით უნდა წარმოგვედგინა ქვეყანა, რაც რა თქმა უნდა რთული იყო, მაგრამ ჩვენ ამას წარმატებით გავრთვით თავი.“- ნანა ჩუბინეძე ასევე ამბობს, რომ დადგმის მომზადებაში ისევე როგორც მოსწავლეები, მასწავლებლებიც აქტიურად იყვნენ ჩართული, რისთვისაც მათ მადლობას უხდის.

როგორც რეჟისორმა გოჩა ხვიჩიამ ჩვენთან საუბრისას თქვა, თითოეული სკოლის მასწავლებლებიც და მოსწავლეებიც ძალიან კარგად იყვნენ პროექტში ჩართული.

„ინტერმედია გახლავთ მცირე ზომის მუსიკალურ-იუმორისტული წარმოდგენა და ჩვენ ამით ბავშვებს საშუალება მივეცით, რომ თეატრალურ ხელოვნებასთან უფრო მეტად დაგვეახლოვებინა სხვადასხვა ხელოვნების დარგებთან ერთად.“ - გვითხრა გოჩა ხვიჩიამ

გოჩა ხვიჩიას თქმით, პირველ ეტაპზე ღონისძიების ჩატარება კულტურის ცენტრის დარბაზში გადაწყვიტეს, ხოლო მომდევნო წლებში ეს ღონისძიება ღია სივრცეში გადაინაცვლებს.

კონკურსის ორგანიზატორი მარნეულის კულტურის ცენტრია, რომლის დირექტორმა ნატო შავიშვილმა ჩვენთან საუბრისას თქვა, რომ პროექტისთვის მზადება სკოლებში 2 თვის წინ დაიწყო, როდესაც მათ კენჭისყრის პრინციპით ქვეყნები არ გადაინაწილეს.

„მნიშვნელოვანია ის ფაქტი, რომ პროექტი იმ პროექტი ზუსტად იმ მიმართულებებს ეხმიანება, რომლებსაც, რა თქმა უნდა, ჩვენ ვემსახურებით. ესაა, კულტურისა და ხელოვნების განვითარება და რაც მთავარია თეატრალური მიმართულების და დარგის განვითარება. ძალიან სასიამოვნოდ გაკვირვებულები დავრჩით ბავშვების თეატრალური მონაცემებით და ვფიქრობთ, რომ ეს იქნება ერთგვარი მესიჯი მარნეულელი ახალგაზრდებისთვის, რომ ბევრი ახალი უნარი და ნიჭი აღმოაჩინონ საკუთარ თავში“ - გვითხრა ნატო შავიშვილმა

კონკურსში გამარჯვებულმა სკოლამ სპეციალური თასი მიიღო, რომელიც გარდამავალი ხასიათისაა და მომდევნო წელს ის შესაძლოა მარნეულის მუნიციპალიტეტის ნებისმიერი სკოლის გახდეს.

რადიო „მარნეული“
FaceBook Twitter Google
მსგავსი სიახლეები
COVID-19-სთან ბრძოლაში რიჩარდ ლუგარის ცენტრის მნიშვნელობის ზრდასთან ერთად, კრემლისტური მედია, რომელიც წლებია ლაბორატორიასთან დაკავშირებით სხვადასხვა კონსპირაციას ავითარებს
სრულად
04:00 / 05.08.2020
დაიცავი დისტანცია