“Şəxsən mən, hər şeyə rəğmən, səhiyyə sisteminin bu qədər işə
tab gətirə biləcəyini düşünmürdüm”, – deyə Xəstəliklərə Nəzarət
Milli Mərkəzinin rəhbəri Amiran Qamkrelidze bildirib.
Onun sözlərinə görə, səhiyyə sistemində çatışmazlıqlar var, ancaq
həkimlər vəziyyəti qəhrəmancasına idarə edirlər.
"
Bəli, çatışmazlıqlar var, bizi tənqid edə bilərsiniz.
Hər şeydə çatışmazlıq var, lakin sistem bunu həll edə bilir.
Qəhrəman həkimlərimiz bunu həll edə bilirlər. Onlar həqiqətən
təşəkkürə layiqdirlər. Gürcüstanın tibb ictimaiyyəti ən seçilən
ictimaiyyətlərdən biridir və onlar ən vacib dövrdə, ölkələrinin
həyatında ən vacib rolu oynayıblar. Bu, 9 aprel olsun, Abxaziyadakı
müharibə olsun, Samaçablo münaqişəsi, ya da avqust müharibəsi
olsun... Bu gün hər bir gürcü həkim, hər bir tibb işçisi yalnız
təşəkkürə layiqdir. Bu gün 8000-dən artıq tibbi personal xəstəliyə
yoluxub, əlbəttə, onlardan çoxu sağalıb və iş yerinə qayıdıb, amma
həyatını itirənlər də var. Onların qarşısında baş əyirəm. Bütün
bunlar çox çətindir. Sistemin yaxşılaşdırıldığını bir daha
vurğulayıram, amma yenə də mükəmməl deyilik. Hər şey nisbidir.
Hətta inkişaf etmiş səhiyyə sistemləri də çətinliklərlə qarşılaşır,
Fransa səhiyyə sistemi də çətinlikdədir, bilirsiniz
bunları", – deyə Qamkrelidze bildirib.