Gürcüstanda koronavirusa yoluxma halları artıb. Son 24 saat
ərzində, ölkədə 7 521 nəfər virusa yoluxub.
Marneuli İctimai Səhiyyə Mərkəzindən “Marneuli” radiosuna
bildirdilər ki, bir həftə ərzində 50 yoluxma qeydə alınıb.
“Yoluxma halları artıb, gün ərzində təxminən 10-12
yoluxma qeydə alınır. 17 yanvar tarixində, kovidə 22 nəfər yoluxub.
Bizim mərkəzin nəzarətə aldığı xəstələrdə, son bir həftə ərzində
ölüm halları qeydə alınmayıb”, – Səhiyyə Mərkəzindən
bildirdilər.
İctimai Səhiyyə Mərkəzindən bildirdilər ki, Marneulidə peyvənd
vurdurmaq istəyənlər yenidən çoxalıb və 10 yanvar tarixindən bu
günə qədər, ümumilikdə, 2 182 nəfər peyvənd vurdurub.