რუსულმა დრონმა ჩერნობილის ატომური ელექტროსადგურის დაზიანებული რეაქტორის რადიაციული თავშესაფარს დაარტყა, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

მისი თქმით, დაზიანებულ სადგურზე მდებარე მეოთხე ენერგობლოკის თავშესაფარი ღამით განხორციელებული დარტყმის შედეგად დაიწვა, თუმცა ხანძარი მალევე ჩააქრეს.

ზელენსკის ინფორმაციით, პარასკევ დილამდე ჩერნობილში რადიაციის დონე არ გაზრდილა.

ატომური ენერგიის საერთაშორისო სააგენტომ (IAEA) განაცხადა, რომ საგანგებო სამსახურები და სახანძრო ჯგუფები აფეთქებიდან

რამდენიმე წუთში შემთხვევის ადგილზე მივიდნენ. მსხვერპლის შესახებ ინფორმაცია არ ვრცელდება.

IAEA-მ, რომელიც გლობალურ ბირთვულ უსაფრთხოებას აკონტროლებს, დაადასტურა, რომ ჩერნობილის შიგნითა და გარე ტერიტორიაზე რადიაციის დონე ნორმალურია.

სააგენტოს განცხადებით, მაღალი მზადყოფნის რეჟიმში რჩებიან, და მისი დირექტორი რაფაელ მარიანო გროსი აცხადებს, რომ "თავდაჯერებულობის ადგილი არ არის".

ჩერნობილი – ყველაზე მძიმე ბირთვული კატასტროფის ადგილი
ჩერნობილი მსოფლიოს ყველაზე მასშტაბური ბირთვული კატასტროფის ადგილია. 1986 წელს მომხდარმა აფეთქებამ ატმოსფეროში დიდი რაოდენობით რადიოაქტიური მასალა გაავრცელა, რაც მთელ ევროპაში საზოგადოებრივი ჯანდაცვის კრიზისს გამოიწვევდა.

ზელენსკიმ X-ზე (ყოფილი Twitter) ვიდეო გაავრცელა, რომელშიც დაზიანებული კონსტრუქცია ჩანს.

გიგანტური დამცავი საფარი, რომელიც ბეტონისა და ფოლადისგან არის აგებული, აფეთქების შედეგად სახურავდაკარგულ რეაქტორს ფარავს.

დამცავი კონსტრუქცია შექმნილია იმისთვის, რომ მომდევნო საუკუნის განმავლობაში რადიოაქტიური მასალის შემდგომი გაჟონვა აღკვეთოს.

მისი სიგანე 275 მეტრია, სიმაღლე – 108 მეტრი და მისი მშენებლობა 1.6 მილიარდი დოლარი დაჯდა.

წყარო: ბი ბი სი ნიუსი