მწვავე რესპირატორული ვირუსული დაავადება ინტერნაციონალურია, ამიტომ მთელ მსოფლიოში, იქაც კი, სადაც ზამთარი ჩვენი ზაფხულის მსგავსია, ავადობენ გაციებით, სურდოთი და ბრონქიტით. სხვადასხვა ქვეყნის მოსახლეობა თავისებურად უმკლავდება მას.

• ინგლისში უძვლელესი დროიდან პოპულარულია გაციების სამკურნალო შემდეგი სასმელი: მუქ ლუდს (2 ბოთლი) აცხელებენ, უმატებენ მწიკვ დარიჩინს, 3-4 მიხაკს, ცოტა ლიმონის ცედრას, 3 კვერცხის გულს და 2-5 სუფრის კოვზ შაქარს. ამ მასას თქვეფენ ქაფის წარმოქმნამდე, დგამენ ნელ ცეცხლზე და ხარშავენ (მაგრამ არ ადუღებენ) გასქელებამდე. ამ სასმელს სვამენ 1-1,5 ჭიქას, დღეში რამოდენიმეჯერ. ის აძლიერებს ოფლის გამოყოფას.
• საფრანგეთში

გაციებისა და ხველის აღიარებულ საშუალებად მიჩნეულია ცხელი წყალი ლიმნის წვენითა და შაქრით. მას დღის განმავლობაში დიდი რაოდენობით ღებულობენ.
გერმანელები, დაავადების პირველივე ნიშნებისთანავე იწყებენ შესაბამისი რაციონით კვებას. რაციონიდან იღებენ მძიმე, რთულად გადასამუშავებელ საკვებს, უპირატესობას ანიჭებენ რძის პროდუქტებს, ხილსა და ბოსტნეულს.

• ფინეთში ჯანმრთელობასთან დაკავშირებულ ნებისმიერ პრობლემას აბანოში აგვარებენ ფინჯან

ოფლმდენ ჩაისთან ერთად. ჩვეულებრივ შავ ჩაის უმატებენ ჟოლოს, მოცხარს, მოცვს, შტოშს, ყვავტყემალს, ან ადუღებენ სხვადასხვა მცენარეულ- ცაცხვის ყვავილის, პიტნის, შავი მოცხარის, ალუბლის ფოთლების ჩაის. შესანიშნავი ვირუსის საწინააღმდეგო ჩაი მზადდება ევკლიპტის ფოთლების, ვალერიანის ძირების, ასკილის, გვირილას ყვავილების, თავშავას, პიტნის, ვირისტერფასაგან (პროპორციით 1:2:3:4:5:5:6). ნარევის 2 ჩაის კოვზს ასხამენ 1 ჩაის ჭიქა მდუღარე წყალს და დიდი რაოდენობით ღებულობენ დღის განმავლობაში.
იამაიკელები გაციების სამკურნალოდ იყენებენ სურნელოვანი პილპილის (ბახარის) ნახარშს.

• იაპონიაში გაციების საწინააღმდეგოდ იყენებენ მწვანე ჩაის, რომელსაც დღეში 8-10 ფინჯანს სვამენ. ეს სამკურნალო სასმელი მდიდარია კატექინებით- განსაკუთრებული ნივთიერებით, რომელსაც ანტივირუსული აქტივობა გააჩნია.
• ა.შ.შ-ში დაავადების პირველივე ნიშნებისთანავე იღებენ ვაშლის ლიმონათს: 1 ჩაის ჭიქა მდუღარე წყალში ხსნიან 1-2 სუფრის კოვზ ვაშლის ძმარს და ამდენივე თაფლს და სვამენ ცხელს ძილის წინ. მეორე პოპულარული საშუალებაა შემდეგი კოქტეილი: პიტნის ნაყენი, ლიმონის წვენი, თაფლი და ნიორი: 1 ჩაის კოვზ პიტნას ასხამენ მდუღარე წყალს და ადუღებენ 3-5 წუთის განმავლობაში ნელ ცეცხლზე, აჩერებენ 10 წუთი, გადაწურავენ და უმატებენ 1 ჩაის კოვზ თაფლს, 1 კბილ წვრილად დაჭრილ ან გახეხილ ნიორს, მეოთხედ ლიმონს. ცხელ კოქტეილს სვამენ ძილის წინ.
• საბერძნეთში, წმინდა ათონის მთის მონასტერში ბერები იყენებდნენ განსაკუთრებულ მიქსტურას თაფლის, ალოეს და საეკლესიო ღვინო კაგორისაგან. ამ მიზნისთვის იყენებდნენ 3-5 წლის ალოეს, რომელთაც რამოდენიმე დღის განმავლობაში არ რწყავდენენ. აჭრიდნენ ქვედა, ყველაზე ფართო ფოთლებს და წურავდნენ წვენს, რომელსაც ურევდნენ თაფლსა და კაგორს 1:2:3 პროპორციით. გრილ ადგილზე აჩერებდნენ 3-4 დღის განმავლობაში. მიქსტურას ღებულობდნენ 1 სუფრის კოვზს 3-ჯერ დღეში ჭამამდე 30 წუთით ადრე.
• ინდოეთში გაციებას კოჭას ჩაით უმკლავდებიან: 1 სუფრის კოვზ გახეხილ კოჭას უმატებენ 1 სუფრის კოვზ თაფლს, ცოტა დარიჩინს, მიხაკსა და ილს.
  
  
  
  წყარო: მკურნალი