ხულდარაში 25 წლის ბიჭმა თანასოფლელი გაძარცვა
მარნეულის მუნიციპალიტეტის სოფელ ხულდარაში 25 წლის ბიჭმა მისივე
თანასოფლელს, 77 წლის კაცს,
მის საცხოვრებელ სახლში ფიზიკური შეურაცხყოფა მიაყენა და 1 600 ლარი
გასტაცა და ადგილიდან მიიმალა.
საქართველოს პოლიციის ოფიციალურ ვებგვერდზე გამოქვეყნებული ინფორმაციი
მიხედვით, შინაგან საქმეთა სამინისტროს ქვემო ქართლის პოლიციის
დეპარტამენტის მარნეულის რაიონული სამმართველოს თანამშრომლებმა, ცხელ
კვალზე ჩატარებული ოპერატიულ-სამძებრო და საგამოძიებო მოქმედებების
შედეგად, მომხდარიდან რამდენიმე საათში, 1995 წელს დაბადებული ა.ბ.
ძარცვის ბრალდებით დააკავეს.
პოლიციამ ნაძარცვი თანხა ნივთმტკიცების სახით ამიღო.
შსს-ს განცხადებით, მომხდარ ფაქტთან დაკავშირებით გამოძიება
საქართველოს სისხლის სამართლის კოდექსის 178-ე მუხლის მე-2 და მე-3
ნაწილებით მიმდინარეობს.
დანაშაული 4-დან 8 წლამდე ვადით თავისუფლების აღკვეთას
ითვალისწინებს.