Bu gün, 1 iyun tarixində Mareti kəndində üç nəfərdə koronavirusa
yoluxma qeydə alınıb.
Bu haqda “Marneuli” radiosuna etibarlı mənbədən bildiriblər.
Marneulinin İctimai Səhiyyə Mərkəzinin rəhbəri Eter Laperadze
virusun qeydə alınması ilə bağlı “Marneuli” radiosuna məlumat
vermək istəmədi. O, deyir ki, məşğuldur və indi bizim üçün vaxtı
yoxdur.
“Bilirsiniz nə var, işləməyimə mane olmayın. Mənim indi danışmağa
vaxtım yoxdur, işimi bitirməmişəm, nə deyim. İndi çıxmışıq, mənə
mane olmayın”, – Eter Laperadze deyib.
Marneuli meri Zaur Darğallı və onun müavinləri də “Marneuli”
radiosunun zənglərinə cavab vermir.
Tbilisinin Yoluxucu Xəstəliklər Xəstəxanasının kliniki direktoru
Marina Ezuqbaianın bəyanatına görə, koronaviusa yoluxma halları
yeni mənbələrlə əlaqəli deyil. Virusa yoluxanlar bir ailənin
üzvləridir.