31 may tarixində Marneulinin “Geo Hospitals” klinikasında bir nəfərdə virusa yoluxma halı qeydə alınıb. Xəstəxananın kliniki direktoru Tata Şenqelaia “Marneuli” radiosuna bildirib ki, 31 may tarixində koronovirusla bağlı götürülmüş 6 analizin cavabı gəlib.

“Əksəriyyəti yük maşını sürücüsüdür. Qırmızı Körpü sərhəd buraxılış məntəqəsindən daxil olublar. Onlardan yalnız birində virus qeydə alınıb. O, da Gürcüstan vətəndaşıdır”, – Tata Şenqelaia deyib.

Xəstəxananın kliniki direktorunun sözlərinə görə, bu gün, 1 iyun tarixində klinikaya koronavirus əlamətləri ilə 6 xəstə gətirilib. Testdən keçmək üçün buraxılış məntəqələrindən 7 sürücü gətirilib. Onların analizini Luqar laboratoriyasına bu gün göndərəcəklər. Cavablar 2 iyun tarixində məlum olacaq.

31 may tarixində “Geo Hospitalsda” koronavirus təsdiqlənənə qədər, klinikada 26 gün ərzində covid-19 halı qeydə alınmamışdı.

Marneuli bələdiyyəsi 56 gün bağlı qaldıqdan sonra 18 may tarixində açılıb.