სიღნაღის მუნიციპალიტეტში ავტოავარიას ქალაქის მერიის თანამშრომელი
ემსხვერპლა.
შემთხვევა საღამოს ნუკრიანი-ჩალაუბნის დამაკავშირებელ ცენტრალურ
საავტომობილო გზაზე მოხდა.
თვითმხილველების თქმით, „ტოიოტა რავ 4“-ის მძღოლმა საჭე ვერ
დაიმორჩილა და ხევში გადავარდა.
მანქანაში სიღნაღის მერიის თანამშრომლები იმყოფებოდნენ. სამი ქალიდან
ერთი ადგილზე გარდაიცვალა, ხოლო ორი მძიმედ დაშავდა. შედარებით მძიმეა
ერთ-ერთი მგზავრის ჯანმრთელობის მდგომარეობა, რომელიც სასწრაფო
დახმარების ბრიგადამ ჯერ – წნორის „არქიმედეს“ კლინიკაში, ხოლო შემდეგ
კატასტროფის ბრიგადამ თბილისში, ერთ-ერთ კლინიკაში გადაიყვანა.
მეორე დაშავებულს მკურნალობა წნორის საავადმყოფოში უტარდება.