სახალხო დამცველთან არსებული რელიგიათა საბჭი დემონსტრანტების წინააღმდეგ ძალადობას გმობს
დღეს, პირველ დეკემბერს, სახალხო დამცველთან არსებულმა რელიგიათა საბჭომ განცხადება გაავრცელა და კატეგორიულად დაგმო დემონსტრანტების წინააღმდეგ ძალადობა.

"დემოკრატია, თავისუფლება, ადამიანის უფლებები, რელიგიის თავისუფლება, თანასწორუფლებიანობა, ტოლერანტობა, ხანგრძლივი მშვიდობა, - ესაა ღირსეული ცხოვრებისთვის აუცილებელი ღირებულებები. ისინი ყველა რელიგიის საერთო პრინციპს ეფუძნება: სხვას ნუ მოექცევი ისე, როგორც არ გინდა, მოგექცნენ შენ". - აღნიშნულია განცხადებაში

განცხადების მიხედვით, რელიგიათა საბჭოს წევრები უდიდეს
საფრთხეს ხედავენ საქართველოს კონსტიტუციით გარანტირებული ევროინტეგრაციის კურსზე უარის თქმასა და საქართველოში ადამიანის ღირსეული და უსაფრთხო ცხოვრების მიმართულებით.

განცხადებას შემდეგი რელიგიური ორგანიზაციები ავრცელებენ:

- საქართველოს ევანგელისტური ეკლესია
- წმინდა სამების პროტესტანტული ეკლესია
- ხსნის არმია
- მეგობართა საზოგადება კვაკერები
- აღდგენილი სამოციქულო ეკლესია
- სახარების რწმენის ეკლესია
- ქართველ მუსლიმთა კავშირი
- საქართველოს ევანგელურ ბაპტისტური ეკლესია
- ასურელთა წმიდა სამოციქულო კათოლიკე აღმოსავლეთის ეკლესია
- დახსნილ ქრისტიანთა საღვთო ეკლესია
- ევანგელური ეკლესია სიცოცხლის სიტყვა
- საქართველოს პროტესტანტული ეკლესია
- აჰმადია მუსლიმთა გაერთიანება
- სრულიად საქართველოს მუსლიმთა უმაღლესი სასულიერო სამმართველო


Print ელ. ფოსტა
FaceBook Twitter Google
მსგავსი სიახლეები