“Qazprom sənədi ilə bağlı intensiv istintaq hərəkətləri aparılır” — bu məlumatı Dövlət Təhlükəsizliyi Xidmətinin yaydığı açıqlamadan öyrənirik. Açıqlamada qurum bir media orqanı ilə olan yazışmanı da dərc edib.

Qiymət artımı ilə bağlı aparılan araşdırma çərçivəsində Milli Bankın təmsilçisinin, xüsusilə Natiya Turnavanın dindirilib-dindirilmədiyi barədə suala cavab verən DTX bildirir ki:

“Kim, nə vaxt və hansı istintaq hərəkətindən sonra dindiriləcək, yaxud növbəti istintaq tədbiri hansı olacaq — bu məlumatın açıqlanmasına ehtiyac olub-olmadığını istintaq prosesin öz maraqlarından çıxış edərək müəyyənləşdirir”.

DTX tərəfindən yayılan məlumatda deyilir:

“İctimaiyyətin və media nümayəndələrinin məlumatlandırılması, həmçinin düzgün hüquqi praktikanın formalaşdırılması məqsədilə bir media orqanı ilə aramızda aparılan yazışmanı dərc edirik:

Medianın sualı:

1. Qazprom sənədi ilə bağlı istintaq hansı mərhələdədir?

Araşdırma çərçivəsində hökumət administrasiyasında məlumatın dərcinə və təhlükəsizliyinə cavabdeh şəxslər — Levan Jorjoliani və İT təhlükəsizliyinə cavabdeh əməkdaşlar dindirilibmi?

2. Qiymət artımı ilə bağlı araşdırma çərçivəsində Milli Bankın nümayəndəsi, xüsusilə Natiya Turnava dindirilibmi?

Çünki Konstitusiyaya əsasən, qiymət sabitliyinə görə məsuliyyət daşıyan qurum odur.

Bundan əlavə, energetika sahəsindəki mümkün korrupsiya faktları ilə bağlı araşdırma çərçivəsində Natiya Turnava — 2019–2022-ci illərin iqtisadiyyat naziri dindirilibmi?

DTX-nin cavabı:

“Hər iki məsələ ilə bağlı intensiv istintaq tədbirləri aparıldığını təsdiqləyə bilərik.

İstintaqın detalları və taktikası — kim, nə vaxt, hansı istintaq hərəkətindən sonra dindiriləcək və ya hansı növbəti tədbir həyata keçiriləcək — bu məlumatın açıqlanmasına ehtiyac olub-olmadığını istintaq özü müəyyən edəcək.

Xahiş edirik, bunu gələcəkdə də nəzərə alasınız, çünki bəzi media orqanları tez-tez istintaq hərəkətləri, istintaqın taktikası və dindirilmə ardıcıllığı ilə bağlı konkret suallar ünvanlayır.”

15 yanvarda Dövlət Təhlükəsizliyi Xidməti açıqlayıb ki, Rusiyanın dövlət energetika şirkəti Qazprom ilə bağlı müqavilənin detallarının yayılması faktına görə istintaq sabotaj və kompüter sisteminə icazəsiz müdaxilə maddələri üzrə başlanıb.

Qurumun məlumatına görə, istintaqa başlamağa səbəb hökumət administrasiyası tərəfindən daxil olmuş informasiya olub. Bildirilir ki, administrasiyanın veb-saytına ehtimal olunan kiberhücum həyata keçirilib və müəyyən manipulyasiyalar aparılıb. Bu manipulyasiyaların məqsədi yanlış məlumatın ictimaiyyətə yayılması yolu ilə Gürcüstanın dövlət maraqlarına zərər vurmaq, o cümlədən ölkə üçün mənfi siyasi və iqtisadi nəticələr yaratmaq olub.

“Qazprom”un açıqlamasına əsasən, son bir ildə Rusiyadan Gürcüstana qaz tədarükü 40,4% artıb. Paralel olaraq, Rusiya qaz ixracını Orta Asiya ölkələrinə də artırıb — Qazaxıstana, Özbəkistana və Qırğızıstana tədarük 22,2% yüksəlib.

Mənbə: news.on.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.