ABŞ-nin dövlət katibi Marko Rubio İrana münasibətdə diplomatik yanaşmanı önə çəkib. O, hərbi hücum haqda danışmaq istəmədiyini deyib, əlavə edib ki, prezident Donald Tramp diplomatiyaya üstünlük verdiyini açıq bildirib.

Rubio fevralın 15-də Bratislavada Slovakiyanın baş naziri Robert Fitso ilə birgə mətbuat konfransında deyib ki, "indiyədək heç kim İranla uğurlu razılaşma əldə edə bilməyib, amma biz cəhd edəcəyik".

Rubio Slovakiyada birgünlük səfərdə olub, bu gün Macarıstandadır. Onun Avropa turnesinin məqsədi əsas müttəfiqlərlə əlaqələri gücləndirməkdir.

"Hazırda danışıqlardan danışırıq, diqqətimiz danışıqlara yönəlib. Prezident bunu açıq bildirib. Əgər bu (yanaşma) dəyişsə, hamı biləcək", – Rubio deyib.

Hazırda ABŞ İranın nüvə proqramı, ballistik raketləri, regiondakı proksi qüvvələri ilə bağlı Tehranla danışıqlar aparmağa çalışır. İran nüvə proqramı üzrə razılaşma əldə oluna biləcəyini istisna etməyib, Vaşinqton Tehrana sanksiyaları ləğv edərsə.

İranın istəyi
Fevralın 15-də İranın xarici işlər nazirinin müavini Məcid Təxt-Rəvançi Tehranda BBC-yə müsahibəsində deyib: "Sanksiyalar barədə danışmağa da hazır olarlarsa, nüvə proqramımızla bağlı bu və digər məsələlərin müzakirəsinə hazırıq".

"Sanksiyalar da danışıqlar masasında olmalıdır", – deyən nazir müavini əlavə edib ki, "razılaşma istədiklərini sübut etmək növbəsi Amerikanındır".

Təxt-Rəvançi ABŞ sanksiyalarının hamısını, yoxsa bir hissəsini nəzərdə tutduğunu konkretləşdirməyib. Son illər Vaşinqton İranın bank sektoruna və neft ixracına irimiqyaslı sanksiyalar tətbiq edib.

Fevralın 17-də Cenevrədə ABŞ-İran danışıqlarının yeni raundu keçirilməlidir.

BBC-nin məlumatına görə, Təxt-Rəvançi deyib ki, İranın özünün 60-faizlik uran ehtiyatlarının zənginləşdirmə səviyyəsini aşağı salmaq təklifi kompromisə hazırlıq göstəricisidir, ABŞ-nin "sıfır zənginləşdirmə" tələbi isə artıq masada deyil.

Qərb ölkələri İranın nüvə silahı əldə etməyə çalışdığını deyir, Tehran isə proqramının mülki məqsədlər daşıdığını bildirir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.