Forbes dünyanın ən varlı insanlarının siyahısını yeniləyib.
Reytinqdə iki gürcü yer alır – Bidzina İvanişvili və Mixeil Lomtadze. Forbesin məlumatına görə, sonuncunun sərvəti “Gürcü Arzusu”nun qurucusu və fəxri sədri olan İvanişvilinin sərvətindən üç dəfə çoxdur.

50 yaşlı Lomtadze 6 milyard dollar sərvətlə Forbes reytinqində 694-cü yerdədir. 70 yaşlı Bidzina İvanişvili isə 2,7 milyard dollar sərvətlə 1560-cı yerdə qərarlaşıb.
Forbes-in məlumatına görə, Lomtadzenin əsas gəlir mənbəyi maliyyə texnologiyalarıdır, İvanişvilinin gəlirləri isə əsasən investisiyalardan formalaşır.

Nəşr yazır ki, Mixeil Lomtadze Rusiyada fəaliyyət göstərən Baring Vostok fondunun özəl investorlarından biri olub. Fond 2006-cı ildə Qazaxıstanın Kaspi şirkətinə investisiya qoyub. Lomtadze həmin şirkətin baş icraçı direktorudur. Kaspinin səhmləri ilk dəfə 2020-ci ildə London Fond Birjasında yerləşdirilib və həmin vaxt şirkətin dəyəri 6,5 milyard dollar idi. Forbes-in məlumatına görə, Lomtadzenin şirkəti Qazaxıstanda ən populyar rəqəmsal və bank ödəniş xidmətlərindən birini təqdim edir və ölkə əhalisinin 50 faizdən çoxu bu xidmətdən istifadə edir. Təkcə 2024-cü ildə Kaspi 2,5 milyard dollar gəlir əldə edib.

Mixeil Lomtadze 1975-ci ildə Batumidə anadan olub. O, bakalavr dərəcəsini Gürcüstanın Avropa Menecment Məktəbində (ESM) alıb. Daha sonra təhsilini Harvard Universitetində davam etdirərək biznes idarəçiliyi üzrə magistr dərəcəsi qazanıb. Hazırda Qazaxıstanın ən böyük şəhəri olan Almatıda yaşayır, lakin Gürcüstan vətəndaşıdır. Forbesin məlumatına görə, o evli deyil.

Mixeil Lomtadze ictimaiyyət qarşısında tez-tez görünən şəxslərdəndir. Onun YouTube platformasında öz kanalı var və burada ictimai çıxışlarını, müsahibələrini, yeni məhsul və xidmətlərin təqdimatını, həmçinin biznes fəaliyyəti ilə bağlı müxtəlif məlumat xarakterli videolar paylaşır.



Forbesin məlumatına görə, 2022-ci ildən bu günə qədər Lomtadzenin sərvəti sabit şəkildə artıb: 2022-ci ildə onun sərvəti 1,9 milyard dollar idi, 2023-cü ildə 3,7 milyard dollara, 2024-cü ildə 5,6 milyard dollara, 2025-ci ildə 5,9 milyard dollara çatıb, 2026-cı ildə isə artıq 6 milyard dollar olub.

Bunun əksinə olaraq, Bidzina İvanişvilinin sərvəti son iki ildə əhəmiyyətli dərəcədə azalıb. Forbesin məlumatına görə, 2021–2024-cü illərdə İvanişvilinin sərvəti 4,8–4,9 milyard dollar civarında dəyişirdi, 2025-ci ildə isə 2,7 milyard dollara qədər azalıb.

“Gürcüstanda ən varlı insan olan Bidzina İvanişvili pulunu Rusiyada metallurgiya və bank sahəsində qazanıb, daha sonra isə vəsaitlərini nağdlaşdıraraq 2003-cü ildə vətəninə qayıdıb”, – Forbesin saytında onun haqqında məqalə bu cümlə ilə başlayır.

Nəşr yazır ki, 2012-ci ildə İvanişvili Gürcüstanın baş naziri seçilib. Bir il sonra isə onun partiyası prezident seçkilərində də qalib gəldikdən sonra o, vəzifəsindən istefa verib və “öz borcunu yerinə yetirdiyini” bildirib. Nəşr qeyd edir ki, 2024-cü ildə İvanişvili yenidən siyasətə qayıdaraq partiyanın “fəxri sədri” olub.

Forbes həmçinin qısa şəkildə Bidzina İvanişvili ilə Credit Suisse bankı arasında olan mübahisədən də bəhs edir. Onun haqqında məlumat ABŞ tərəfindən tətbiq edilən sanksiyaların qeyd olunması ilə tamamlanır. Bu sanksiyalar ona “Rusiya Federasiyasının maraqları naminə Gürcüstanın demokratik və avroatlantik gələcəyinə zərər vurmaq” ittihamı ilə tətbiq edilib.

Reytinqdə yer alan bütün şəxslər haqqında rəsmi və faktiki məlumatlardan əlavə, Forbes İvanişvili barədə əlavə məlumat da təqdim edir. Nəşr yazır ki, o, Tbilisiyə baxan 108 000 kvadratmetr sahəsi olan evdə yaşayır. Həmçinin qeyd olunur ki, onun sənət əsərləri kolleksiyası var və bu kolleksiyaya Pablo Pikassonun “Dora Maar” əsəri də daxildir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.