ABŞ-ın büdcəsində Gürcüstana yardım həcmi artıb
ABŞ-ın 2019-cu
il büdcəsində Gürcüstan üçün ayrılmış məbləğ
artıb.
Qeyd
edilməlidir ki, konsolidasiya olunmuş ayırmalar aktı Gürcüstanın
regionlarının deokupasiyası və tanınmamasının təsdiqlənməsi
baxımından vacib qeydlərdən ibarətdir.
“Mətnə əsasən qeyd olunan qanunla ayrılmış maliyyədən,
əgər ABŞ-ın dövlət katibi müəyyən edər və ayırmalar komitəsinə qeyd
olunan ölkənin Rusiya tərəfindən işğal edilmiş Abxaziya və
Tsxinvali regionunun/Cənubi Osetiyanın vəziyyətini tanıması
haqqında hesabat təqdim edərsə heç bir ölkənin mərkəzi hökuməti
istifadə edə bilməyəcək. Eləcə də qeyd olunan qanuna əsasən
ayrılmış hansısa maliyyədən Rusiya tərəfindən Abxaziya və Tsxinvali
regionunun/Cənubi Osetiyanın işğalına dəstək üçün istifadə etmək
mümkün olmayacaq.
Qanun layihəsi ABŞ-ın Xəzinə Departamentini beynəlxalq maliyyə
institutlarının ABŞ-ın icraçı direktorlarına təlimat verməyə
çağırır ki, onlar Gürcüstanın suverenliyini və ərazi bütövlüyünü
pozan hər hansı proqramı dəstəkləməsinlər.
Qeyd edilməlidir ki, ABŞ konqresi üçüncü ildir ki, ABŞ-ın
qanunvericilik aktına bu qeydi daxil edir. Bu isə ABŞ tərəfindən
Gürcüstana böyük diqqət və dəstəyin olmasını göstərir.
Bundan əlavə qeyd olunub ki, akt “Rusiyanın təsirinə qarşı mübarizə
fondu” çərçivəsində ən az 275 mln ABŞ dollarının Avropa və Avrasiya
ölkələrinə, həmçinin Gürcüstana ayrılmasını nəzərdə tutur. Məbləğ
hüquq mühafizəsi və təhlükəsizlik qüvvələrinin imkanının inkişafı
və təhlükəsizliyi sahəsində ABŞ və NATO ilə əməkdaşlığın
gücləndirilməsi məqsədi ilə ayrılır. Qeyd olunur ki, maliyyənin bir
hissəsi şərq tərəfdaşlığı ölkələri tərəfindən Avropa İttifaqı ilə
bağlanmış assosiasiya sazişi haqqında razılıq və ticarət
müqaviləsinin yerinə yetirilməsinə sərf olunmalıdır. Eləcə də
xarici iqtisadiyyat fatorlarının təsiri və Rusiya Federasiyası
tərəfindən siyasi və iqtisadi basqıların azalmasına
xərclənməlidir.
Gürcüstana ayrılan maliyyə isə ABŞ-ın büdcəsinin dövlət, xarici
əməliyyatlar və onunla bağlı olan proqramları (FY19SFOPs) Gürcüstan
üçün artırılmış yardımı nəzərdə tutur və 127,025,000 mln dolları
təşkil edir. Qeyd edilməlidir ki, bu məbləğ 2018-ci ildə nəzərdə
tutulmuş maliyyədən 22 mln ABŞ dollar dəyərində
artıqdır” – məlumatda deyilir.
Məlumatı Gürcüstanın Xarici İşlər Nazirliyi yayımlayır.