Kondisionersiz sərinləməyin 6 yolu - Fironların sirri
15:51 / 26.06.2019
Sinoptiklər 42-43 dərəcəlik isti haqda
xəbərdarlıq edir. İnsanlar isə gündüz yollarda, işdə, gecə yatanda
isti ilə necə mübarizə aparacağını düşünür.
Çoxu kondisioneri ,çıxış yolu kimi görür. Amma kondinsioner də hər
yerdə yoxdur. Heç düşünmüsüzmü, qədimdə nənə-babalarımız yayda
ventilyator, kondinsionersiz necə dözürdülər? İnsan elə varlıqdır
ki, hər şəraitə uyğunlaşır. Yetər ki, bəzi sirləri bilsin.
Marneulifm xəbər verir ki, Medicina.az bu istilərlə baş etməyin 7
yolunu açıqlayır:
1. Evi qaranlıq saxla
Pərdələri, jalüzləri gecədən endirin. Evə düşən gün işığı içəridə
"parnik effekti" yaradır. Əgər bunun qarşısını alsaz, ev istidən
yanmaz, kifayət qədər normal temperatur olar.
2. Evi gecədən soyudun
Bütün gecə boyu pəncərələri açıq qoyun, qapıları
torlu qapı ilə əvəz edin. Sərin gecə havası evi soyudur və bu
temperatur gündüz də normada qalır. Xüsusən yelçəkənli evlərdə bu
əla effekt verir. Bina evində yaşayanlar dəhlizə, bloka açılan
qapını da axşam 1-2 saatlıq aralı qoysa, ev kifayət qədər nəfəs
alacaq.
3. Gen, boş, açıq rəngli geyimlər seçin
İsti yay günləri cins, qara şalvar, dar geyimlər, tünd rənglər sizi
çox tərlədəcək. Sintetikanı unudun. Təbii pambıq, kətan, krujeva,
ipək material seçin. Çalışın üzərinizdə geyim minimum olsun.
4. Hindular və ərəblər kimi edin
Onların bir tryükü işə yarayır. Nazik dəsmal, yaylıq və ya pambıq
parçanı suda isladın, yaxşıca sıxın və türban, çalma kimi başınıza
sarıyıb, boynunuzda bağlayın. Dərhal necə sərinlədiyinizi
görəcəksiz.
5. Fironların sirri
Bilirsizmi, isti, bürkülü Misir gecələrində kondinsioneri olmayan
fironlar və saray əhli necə yatırdı? Mələfəni soyuq suda isladıb,
bərk sıxıb, ona bürünüb yatardılar. Mələfə sulu yox, nəm olmalıdır.
Bu üsul rahat yuxuya getməyə kömək edirdi. Əgər yaş mələfə
istəmirsizsə, onda islaq corablar geyinin.
6. İşıqları, texnikanı söndürün
Yayda axşamlar az lampa yandırın, bütün texnikanı elektrikdən
ayırın. Bunlar istilik verir. Küncdə zərif bra işığı yetərlidir.
Hətta şam belə, lampa kimi istilik vermir.
7. İsti şorba, çay və qəhvə olmaz
Qaynar günlərdə qəhvə, şirin su, çay, isti yeməklərdən uzaq durun.
Bədəni daxildən isitməyin sizə faydası olmayacaq.
Soyuducuda buz ehtiyatınız olsun. İçəcəyiniz suya buz atın. Hətta
buz dolu qabı avtomobilə qoysaz, yolboyu maşın sərin olacaq.
Mənbə:
Axar.az