Marneuli 3 saylı bağçasında bir çarpayıda 3 uşaq yatızdırırlar
Marneulinin üç saylı uşaq bağçası "Çiori"də bir
müəllim gündəlik qırx, bəzən daha çox uşağı sakitləşdirməli olur.
Səhər saat 9-dur, valideynlər simalarında narahatçılıqla uşaqları
bağçanın həyətinə gətirirlər. Hamının eyni problemi var. Yetərsiz
çarpayılar, sayından artıq uşaqlar və reallığa uyğunlaşmaq.
“O qədər qrup var ki, fiziki olaraq hara
yerləşdirəcəklərini bilmirlər və qarışıqlıqdır. Keçən il belə
deyildi. Deyirlər qaydasına salacağıq, amma fiziki olaraq həmin
bağçanın qrupunda 40 uşaq olmayacaq ki? Bilmirəm nə olacaq. Mən
uşağımın əlindən tutdum və böyük uşaqların qrupuna apardım, çıxış
yolunu bunda gördüm. Müəllimlər lazım olan proqramı uşağa tədris
edə bilməyəcəklər”.“
Mövcud vəziyyətdən narahat olan müəllim "Marneuli" radiosu ilə
problem haqda açıq danışır və deyir ki, kiçik yaşlı uşaqların
qupunda xüsusi problem var. Uşaqlar sərbəst yeyə və vacib
ehtiyaclarını özləri qarşılaya bilmirlər. Qapıya isə kiçik masa
qoyublar ki, qırx uşaqdan kimsə bayıra çıxmasın. Belə vəziyyəti
qrupda 2 nəfər idarə etməlidir.
“Bağçada qırx uşaq olmalıdırmı? Heç bir halda
olmamalıdır. Bir müəllim var bütün uşaqlar pampers taxır. Hamını
dəyişməlisən və geyindirməlisən, 25 uşaq olmalıdır 40 uşaq var. 1
müəllimdir, heç bir köməkçi yoxdur, ikinci nöbvə çalışmır və əmək
haqqı da artmır” – müəllim deyir və biz orada olarkən
siyahıya daha iki uşaq əlavə edir.
Bilir ki, bu gün hamını bir çarpayıda yatızdıra
bilməyəcək.
“Üç uşaq bir yerdə yatır. Bəzi valideynin etirazı da var, amma mən
dedim ki, özünüz vəziyyəti görürsünüz istəyirsiniz uşağınızı
saxlayın, istəyirsiniz aparın. Bəzi uşaqlar yenidir və çarpayıya
apara bilmirəm, amma hamısı gəlsə buraya yerləşməyəcəklər”.
Həmin bağçada əlində sənəd olan validyenlərin sayı azalmır. Səhər
tezdən qapıda ümidlə dayanıblar ki, necəsə rezerv siyahısına
yazılmış uşaqları bağçadan kənar qalmasın.
“Biz validyenlər nə edək, problem bağça rəhbərinin günahı
deyil, bu dövlətin günahıdır, bağçalar inşa etsinlər və yer də
olacaq. Hər il tələb edirik, ərizə yazırıq ki, bağça tiksinlər.
Şulaveridən, Maradisidən buraya gəlirik”.
Həmin bağçanın rəhbəri Ketevan Minadze problemi görür, ancaq deyir
ki, yeni bağçaların tikilməsinə qədər “birtəhər idarə
etməlidirlər”.
“Bağçada köməkçi müəllim və əsas müəllim çalışırsa o
zaman maksimum 30 uşaq olmalıdır. Bir nəfərə 15 uşaq. Amma bizim
köməkçimiz yoxdur. Bugünkü vəziyyətə görə qrupda 40, 43 uşaq var.
38 uşaqdır və qrup 26 nəfər üçün nəzərdə tutulub, 26 çarpayı var.
Yenə yaxşı ki, uşaqların 100% hər gün gəlmir, bu bizə kömək edir.
Çalışırıq ki, qohum qohumla birgə düşsün, oğlanlar birgə qızlar
birgə yatsınlar” - bağça sədri deyir və bildirir
ki, valideynlərə həmişə mövcud vəziyyətlə bağlı məlumat
verirlər.
“Qəbul zamanı hamı iki uşağın bir çarpayıda yatmasına
razıdır. Qəbul olduqdan sonra hər gün sıraya düzülürlər ki,
vəziyyət niyə belədir və niyə qəbul
edibsiniz”.
Marneuli bələdiyyəsinin “Çiora” uşaq bağçası 280 uşaq üçün nəzərdə
tutulub. Bugünkü göstəricilərlər isə siyahıda 475 uşaq var.
Marneuli bələdiyyəsinin Uşaq Bağçaları Birliyi bağçalarda
vəziyyətin qaydaya salınmasına bu il söz vermir. Birliyin sədri
Zaur Kərəmov deyir ki, uşaqların bayırda qalmaması üçün lazım
olandan artıq uşaq qəbul etmək məcburiyyətində qalıblar.
“Gələn il iki yeni bağça tikiləcək və bu problem olmayacaq. Ona
qədər isə məcburuq. İndi valideynləri çalışan uşaqları rezrvdən də
əlavə edirik” – Zaur Kərəmov deyir.
3 saylı uşaq bağçasının yetərli sayda çarpayısının olmaması ilə
bağlı Kərəmov deyir ki, problem müəyyən qədər belə həll olacaq ki,
uşaqların hamısı hər gün bağçaya getməyəcək. Buna zəmanəti isə
“öz təcrübəsinə əsaslanaraq verir”.
Bağçaların tikilməsi bələdiyyə üçün priortetli istiqamətlərdən
biridir ki, bunu Marneulinin meri Zaur Darğallı da təsdiq edir və
deyir ki, bu baxımdan gələn il işlər planlaşdırılıb.