Rusiya Xarici İşlər Nazirliyi, Gürcüstan Xarici İşlər Nazirliyinin rus mütəxəssislərinin Luqar laboratoriyasına qəbul edilməsi ilə bağlı verdiyi şərhə cavab verir.

Rusiya Xarici İşlər Nazirliyinin məlumatına görə, Gürcüstan tərəfinin ittihamları Kremlin yanlış məlumat verməsi ilə bağlı təxribatdır və beynəlxalq ictimaiyyətin diqqətini Luqar Mərkəzinin bazasında davam edən hərbi-bioloji tədbirlərdən yayındırmağa xidmət edir.

Moskva, Bioloji Silahın Qadağan olunması Konvensiyasının mövcud mexanizmləri çərçivəsində Luqar laboratoriyasına rus mütəxəssisləri tərəfindən baxışın keçirlməsinə hazır olmasına görə Gürcüstan tərəfini alqışlayır. Amma deyir ki, Konvensiya çərçivəsində “Arbitrajın” həyata keçirilməsinin yeganə vasitəsi üzv ölkələrin Bioloji Silahların Qadağan olunması haqqında Konvensiyaya aid istənilən məsələnin həllində əməkdaşlıq etmələridir.

"Bioobyektə rus mütəxəssisləri tərəfindən yalnız bütün laboratoriyalara (o cümlədən amerikalı mütəxəssislər tərəfindən məşğul olanlar) daxil olmaq və hər hansı bir sənədə baxmaq üçün zəmanət verildiyi halda məqsədyönlülük görürük. Məhz belə bir format real yoxlamanı təmin edə bilərdi. PR kampaniyada iştirak etməyə hazırlaşmırıq.

ABŞ hərbi qurumlarının bioloqlarının Rusiya hüdudlarına yaxın ərazidə həyata keçirdikləri fəaliyyətlərin əsl istiqamətlərini işıqlandırmağı hədəfləyən PR kampaniyasında iştirak etmək niyyətində deyilik. Səfər ikitərəfli formatda, digər ölkələrin nümayəndələrinin, habelə beynəlxalq və regional təşkilatların nümayəndələrinin iştirakı olmadan həyata keçirilməlidir", – Rusiya XİN-dən bildirilib.

Qurumdan bildirilir ki, 2008-ci ilin 14-15 noyabr tarixlərində xarici ekspertlər qrupu tərəfindən laboratoriyaya baxış keçirilməsinin bioloji silahlar haqqında Konvensiyanın yerinə yetirilməsi ilə heç bir əlaqəsi yoxdur və əsas, Gürcüstanın səhiyyə sistemində mövcud olan laboratoriyanın amerikalı hərbçilər tərəfindən nəyə görə maliyyələşdirilməsi sualına heç bir cavab verilməyib.

Riçard Luqar laboratoriyası dəfələrlə Tbilisidə rus təbliğatının və yanlış məlumatların hədəfinə çevrilib. Moskva və Rusiya rəsmilərinin aktorları Luqar laboratoriyasında ABŞ tərəfindən bioloji silahların yaradılması barədə danışırlar.

Bu il mayın 26-da Rusiya Xarici İşlər Nazirliyi, Moskvanın Luqar mərkəzinə görə məlumat çatışmazlığından narahat olduğu üçün Rusiyadan mütəxəssislərin Luqar Laboratoriyasına qəbuluna Gürcüstanın verəcəyi cavabı gözlədiyini bildirib.

Gürcüstan Xarici İşlər Nazirliyi, Bioloji Silahların Qadağan edilməsi Konvensiyasının məsul üzvü olaraq, əvvəlki illərdə də, gələcəkdə də müvafiq təhlükəsizlik laboratoriyalarının infrastrukturuna səlahiyyətli Rusiya mütəxəssislərini qəbul etməyə hazır olduğunu bildirib. Bununla birlikdə qurumdan bildirilib ki, qeyd olunan səfərlər yalnız Konvensiya çərçivəsində mövcud mexanizmlərə uyğun olaraq edilə bilər.

---

Gürcüstanda Riçard Luqar İctimai Səhiyyə Tədqiqat Mərkəzinin inşası, 2004-cü ildə ABŞ və Gürcüstan hökumətləri arasında 1997-ci ildə imzalanmış çərçivə sazişi və ABŞ Müdafiə Nazirliyi ilə Gürcüstan Müdafiə Nazirliyi arasında bağlanmış Bioloji silahın inkişafı ilə bağlı texnologiyaların, patogenlərin və təcrübənin yayılmasının qarşısının alınması sahəsində əməkdaşlıq haqqında” 2002-ci il müqaviləsi əsasında başlayıb.

Razılaşmaya əsasən, indiyə qədər ümumi dəyəri 350 milyon ABŞ dolları olan insan və heyvan sağlamlığı və bio-təhlükəsizlik üçün maliyyə və texniki yardım proqramı həyata keçirilməkdədir. Proqrama əsasən, ölkədə müasir bio-təhlükəsizlik laboratoriyası şəbəkəsi yaradılıb.

Riçard Luqar İctimai Səhiyyə Tədqiqat Mərkəzinin sonuncu binası 2013-cü ilin avqust ayında tam istifadəyə verildi. Luqar Mərkəzi bütün avadanlıqları ilə tamamilə Gürcüstan hökumətinə məxsusdur və 2018-ci ildən etibarən Gürcüstan hökuməti Luqar Mərkəzi və laboratoriya şəbəkəsini maliyyə cəhətdən tam təmin etməkdədir.