Gürcüstan qanununda qəbul olunacaq dəyişikliklərlə bağlı olan
“ictimai sağlamlıq haqqında” qanunlayihəsi Parlamentdə qeydiyyatdan
keçib.
Qanunlayihəsinə əsasən 2021-ci ilin 1 yanvar tarixinə qədər
hökumətin fövqəladə vəziyyətdən kənar məhdudiyyətlər tətbiq etmək
imkanı olacaq.
Qeyd olunan qanunlayihəsinə əsasən “ictimai sağlamlıq haqqında”
Gürcüstan qanunun məzmunu dəyişmir. Ancaq onun qüvvədə olma müddəti
dəyişir. Məsələ Gürcüstan qanunu ilə 22 may tarixində qəbul olunmuş
dəyişikliklərə aiddir. Həmin dəyişikliklərə əsasən hökumətə
koronavirusun qarşısının alınması məqsədi ilə konstitusiya ilə
nəzərdə tutulmuş hüquqları məhdudlaşdırmaq səlahiyyəti verir. Ancaq
məhdudiyyətlər elə həyata keçirilməlidir ki, qeyd olunan məsələlər
müzakirə üçün Parlamentin iclasına çıxarılmasın.
Qanunlayihəsinin izahat kartına əsasən onun məqsədi
“pandemiyaya qarşı mübarizə üçün ani və effektiv
tədbirlərin həyata keçirilməsinə görə imkan və proseslərin düzgün
həyata keçirilməsini təmin edən” mövcud hüquqi
mexanizmin 2020-ci ilin 15 iyul tarixindən sonra da qüvvədə
qalmasıdır. Qanunlayihəsində qeyd olunub ki, koronavirus ölkə üçün
yenidən vacib problem olaraq qalır və mövcud olan reallıqdan irəli
gələrək idarə orqanına yenidən
“müvafiq tənzimləmələr
qəbul etmək və vacib tədbirlərin həyata keçirilməsi
imkanı”-nın verilməsi vacibdir.