Bu gün, 10 avqust tarixində "Gürcü Arzusu" Marneulidə merliyə
namizəd olaraq Kənan Ömərovu təqdim edib. Kənan Ömərov illər
ərzində, Təhsil Resurs Mərkəzində müxtəlif vəzifələrdə çalışıb.
O, bir neçə ay əvvəl merin müavini vəzifəsinə təyin edilib. Onun
təqdimatı Marneulidə, "Yenə də böyüyəcəklər" abidəsinin ərazisində
keçirilib. Ömərov iştirakçılar qarşısında çıxış edərək gürcü,
azərbaycan dilində onlra müraciət edib.
"Əziz Marneulilər, cənab Baş Nazir, Parlament sədri və
dəyərli qonaqlar hər birinizi salamlayıram. İlk növbədə, mənə
etimad göstərib və yerli özünüidarəetmə seçkilərində məni Marneuli
Merliyinə namizəd təqdim etdikləri üçün ,, Gürcü Arzusu"
komandasına ürəkdən təşəkkürümü bildirirəm. Bu fakt mənim üçün həm
böyük şərəfdir və eyni zamanda böyük məsuliyyətdir. Marneuli mənim
doğma şəhərimdir, burada doğulub böyümüşəm, təhsil aldıqdan və iş
təcrübəsi topladıqdan sonra da bu şəhərə və şəhərdə yaşayan
çalışqan və vətənpərvər insanlara xidmət edirəm.
Bu şəhər zəhmətkeş insanları ilə məşhurdur. Marneuli, fərqli etnik
və dini kimliklərə sahib insanların sülh içində bir arada
yaşadıqları və qarşılıqlı hörmət və həmrəyliklə çalışdıqları,
Gürcüstanın iqtisadiyyatı üçün əhəmiyyətli bir şəhərdir. Qarşıdakı
yerli özünüidarəetmə seçkilərində Marneulinin düzgün inkişafına, və
həm mövcud problemləri, həm də onların həlli yollarını bilən bir
insana ehtiyacı var.
Şəxsən mən artıq yarım ildir ki, Marneuli Merinin müaviniyəm və
Marneuli sakinlərinin üzləşdiyi bütün problemlərlə və ya
çətinliklərlə tanış olmuşam. Bu dövr mənim üçün həm də
infrastruktur, təhsil, kənd təsərrüfatı, iqtisadi inkişaf və ya
digər sahələrdə həyata keçirilməsi planlaşdırılan layihələrlə tam
tanış olmaq istiqamətində vacib idi.
Əminəm ki, Marneuli xalqı düzgün seçim edəcək, mənə dəstək olaraq
şəhəri idarə etməyi mənə etibar edəcəksiniz, bu isə davam edən
bütün layihələrin mükəmməl şəkildə tamamlanacağına və daha böyük
miqyaslı layihələr həyata keçirəcəyimizə zəmanət verəcək. Ən əsası,
sizlər, ,, Gürcü Arzusunun" nümayəndəsini, yəni hakimiyyətə gəldiyi
gündən bölgələrin inkişafina qayğı göstərməyi özünün ən əsas
prioritetlərindən biri edən komandanın nümayəndəsini seçirsiniz. Bu
səbəbdən sizi dəstək və bir yerdə olmağa çağırırıq, çünki bu
bələdiyyənin inkişafi hər birimizin borcudur!
Biz mütləq qalib gələcəyik! Marneuli qalib
gələcək!"
Ömərovun təqdimatında Baş-nazir və Parlamentin sədri Kaxa Kuçava
iştiral edib.