Türkiyə-Azərbaycan-Gürcüstan parlamentlərinin üçtərəfli iclası keçiriləcək
Türkiyə Böyük Millət Məclisində (TBMM) Türkiyə-Azərbaycan-Gürcüstan parlamentlərinin xarici əlaqələr komissiyalarının IV üçtərəfli iclası keçiriləcək.

Bu barədə TBMM-in mətbuat xidməti məlumat yayıb.

Məlmata görə, iclas 18-19 oktyabr tarixlərində baş tutacaq.

Proqrama əsasən, heyətlər TBMM-də 15 iyul 2016-cı il tarixində çevriliş cəhdi zamanı "Şərəf" zalında zərər görən ərazini ziyarət edəcək.

İclas çərçivəsində oktyabrın 19-da Türkiyə, Azərbaycan ve Gürcüstan parlamentlərinin Xarici əlaqələr komissiyaları birgə mətbuat konfransı da nəzərdə tutulur.

Bu məqsədlə Azərbaycan Milli Məclisinin Beynəlxalq Münasibətlər və Parlamentlərarası Əlaqələr Komitəsi ilə Gürcüstan Parlamentinin Xarici Əlaqələr Komitəsinin nümayəndələri oktyabrın 18-də Ankaraya səfər edəcəklər.
Print