Bu il yanvarın 1-dən bu günə qədər 10 nəfər CO-dan zəhərlənmə nəticəsində dünyasını dəyişib, 51 nəfər zəhərlənib - ölən və zəhərlənənlərin 90 faizi kirayədə və girovda olan mənzillərdə yaşayırdı. Bu barədə “Tbilisi Energy” qazpaylayıcı şirkətinin texniki direktorunun müavini Qiorqi Lepsveridze məlumat verib.

O, vətəndaşları mənzili icarəyə götürməzdən və ya girov qoymazdan əvvəl “Tbilisi Energy” ilə əlaqə saxlamağa çağırıb və şirkətin əməkdaşları mənzili tamamilə pulsuz yoxlayacaqlar.

“Bu il zəhərlənən və ölən abonentlərin 90%-i kirayədə və girovda olan mənzillərdə yaşayıb. Buna uyğun olaraq sakinlərə və abonentlərə xatırlatmaq istərdim ki, əgər siz mənzili icarəyə götürmək və ya girov qoymaq qərarına gəlsəniz, kirayə/ipoteka qoymazdan əvvəl bizimlə əlaqə saxlamalısınız. 240 40 04 - bu şirkətimizin qaynar xəttidir, yoxlanılmaq üçün müraciət edin və mütəxəssislərimiz 24 saat ərzində qeyd olunan mənzilə gəlib, yoxlayıb sizə göstəriş verəcək, düzəldiləcək nəsə varsa, müvafiq aktla düzəldəcəklər", - "Kvira" mətbuat klubunda keçirilən mətbuat konfransında Qiorqi Lepsveridze bildirib.