NATO-ya üzv olan 9 ölkə Ukraynanın alyansa qoşulmasını dəstəkləyən
bəyanatlar verib.
Birgə bəyanatı Çexiya, Estoniya, Latviya, Litva, Şimali Makedoniya,
Polşa, Rumıniya, Monteneqro və Slovakiya prezidentləri
imzalayıblar.
“Ukraynanın suverenliyi və ərazi bütövlüyünü dəstəklədiyimizi bir
daha bəyan edirik. Biz nə indi, nə də gələcəkdə Rusiyanın
Ukraynanın hər hansı ərazisini ilhaq etmək cəhdlərini
tanımayacağıq. Biz Ukraynanın gələcək üzvlüyü ilə bağlı 2008-ci il
Buxarest NATO sammitinin qərarını qətiyyətlə dəstəkləyirik.
Biz Ukraynanı Rusiyanın təcavüzündən müdafiə etməkdə dəstəkləyirik,
Rusiyadan dərhal bütün işğal olunmuş ərazilərdən çıxmasını tələb
edirik və bütün müttəfiqləri Ukraynaya hərbi yardımı əsaslı şəkildə
artırmağa çağırırıq. Təcavüz cinayətini törədən hər kəs məsuliyyətə
cəlb edilməli və cəzalandırılmalıdır”, - deyə birgə
bəyanatda bildirilir.