Marneulili oxçu qız Salome Xarşiladze Avropa kuboku yarışlarında iştirak edəcək. Bu barədə Marneuli İdman Məktəbi məlumatı yayıb.

“Cari ilin 1-7 may tarixlərində Sloveniyanın Katze şəhərində gənclər arasında oxçuluq üzrə Avropa kubokunun birinci mərhələsi keçiriləcək. Yarışda Marneuli İdman Məktəbinin oxçusu Salome Xarşiladze də iştirak edəcək".

İdman məktəbinin yayımladığı məlumata görə, Avropa kubokunun püşkatma mərasimində digər oxçu Tamta Naveriani iştirak edə bilməyəcək.

"Gürcüstanın oxçuluq üzrə milli komandası çempionatda üç oğlan və iki qız olmaqla beş idmançı ilə təmsil olunacaq. Avropa kubokunun püşkatma mərasimində Marneuli idman məktəbinin uğurlu oxçusu Tamta Naveriani də iştirak etməli idi, ancaq məşq zamanı zədə aldığı üçün yarışda iştirak edə bilməyəcək. Marneuli İdman Məktəbi Tamtaya tez bir zamanda sağalmağı, Salome və Gürcüstan milli komandasına uğurlar arzulayır", – idman məktəbinin paylaşdığı məlumatda deyilir.

Qeyd edək ki, Salome Xarşiladze və Tamta Naveriani Marneulili oxçulardır. Salome Marneuli İdman Məktəbində oxçuluğa getmək qərarı verən ilk Marneulili qız olub. Üç il əvvəl Salomeyə daha bir oxçu qız – Tamta Naveriani qoşulub. Qızlar çox sayda beynəlxalq və yerli turnirlərdə uğurla mübarizə aparıblar.

Onu da əlavə edək ki, Salome Xarşiladze və Tamta Naverianinin şəxsi məşqçiləri Qiorqi Qordezianidir.

---

• Tamta Naveriani və Salome Xarşiladze oxçuluq üzrə Gürcüstan çempionatında uğurla çıxış ediblər
• Marneulili Salome Xraşiladze oxçuluq üzrə Gürcüstan çempionatında ikinci olub
• Məqsədə nail olmaq üçün hədəfə - Marneulidən oxçu qızlar
• Marneulili oxçu qızlar Kiprdə keçirilən çempionatda uğurla mübarizə aparıblar
• Marneulili Salome Xarşiladze oxçuluq üzrə Gürcüstan kubokunun qalibi olubMarneulili oxçu qızlar beynəlxalq turnirdə qalib gəliblər