Parlamentin Marneuli və Qardabani seçki dairəsindən seçilmiş majoritar deputatı Zaur Darğallı öz feysbuk səhifəsində kənd əhalisi ilə görüşlərə başladığı barədə məlumat paylaşıb.

Məlumata görə, ilk görüşlər Şulaveri ərazi vahidliyində keçirilib.

“Yerli sakinlərə isti münasibətlərinə, bizi qarşıladıqlarına görə minnətdarlığımı bildirirəm və qeyd etmək istəyirəm ki, kəndlərdə bizim komandaya böyük etibar, dəstək hiss olunur”, – Zaur Darğallı feysbuk səhifəsində yazıb.

Deputatın sözlərinə görə, əhalini partiyanın prioritetləri ilə tanış ediblər və əhalinin ehtiyacları ilə maraqlanıblar.

Foto-materialdan görünür ki, görüşdə özünüidarə nümayəndələri də iştirak ediblər.

“Biz bütün kəndlərə gedəcəyik və sizin fikrinizi dinləyəcəyik”, - deputat yazır

Qeyd edək ki, görüşlər haqqında “Marneuli” radiosuna ənənəvi olaraq məlumat verməyiblər.