Daxili İşlər Nazirliyi: Batumidə mübahisə zamanı bir nəfəri yaralayan şəxsi saxladıq
Hüquq-mühafizə orqanlarının əməkdaşları tərəfindən 1986-cı il təvəllüdlü, əvvəllər məhkum olunmuş A.M. qəsdən sağlamlığa az ağır zərər vurma maddəsi ilə saxlanılıb.

“İstintaq müəyyən edib ki, təqsirləndirilən şəxs bu il noyabrın 26-da Batumi şəhərində mübahisə zəminində soyuq silahdan istifadə etməklə tanıdığı kişiyə - 1983-cü il təvəllüdlü Q.M.-yə xəsarət yetirib və hadisə yerindən gizlənib. Yaralıya müvafiq tibbi yardım göstərilib.Hüquq-mühafizə orqanlarının əməkdaşları hakimin hökmü ilə A.M təqsirləndirilən şəxs qismində istintaqa cəlb edilərək saxlanılıb. Polis əməkdaşları tərəfindən cinayəti törətmiş silah-bıçaq sübut kimi götürülüb”, - Daxili İşlər Nazirliyindən bildirilib.

Qəsdən sağlamlığa az ağır zərər vurma faktı üzrə istintaq Gürcüstan Cinayət Məcəlləsinin 118-ci maddəsi ilə aparılır. Cinayət 4 ilə qədər azadlıqdan məhrumetmə ilə cəzalandırılır.

Mənbə: Tabula
Print ელ. ფოსტა
FaceBook Twitter Google