Belarus vətəndaşı Gürcüstan-Azərbaycan sərhəddində ölüb
Mazımçay gömrük-sərhəd buraxılış məntəqəsində ölüm hadisə qeydə alınıb.

Axşam saatlarında Belarus Respublikasının vətandaşı, 1978-ci il təvəllüdlü Korziuk Ruslan idarə etdiyi iritonnalı yük maşını ilə Gürcüstan Respublikasından Azərbaycan ərazisinə keçdikdən sonra Mazımçay gömrük-sərhəd buraxılış məntəqəsində sükan arxasında qəfildən halı pisləşib və dünyasını dəyişib.

İlkin müayinə zamanı R. Korziukun ürəktutmasından həyatını itirdiyi məlum olub.

45 yaşlı R. Korziukun ölümünün dəqiq səbəbini aydınlaşdırmaq üçün meyit Məhkəmə Tibbi Ekspertiza və Potoloji Anatomiya Birliyinin Balakən Rayon Şöbəsinə təhvil verilib.

Faktla bağlı araşdırma aparılır.
Mənbə: apa.az

Print ელ. ფოსტა
FaceBook Twitter Google