Qardabaninin deputatı Savalan Mirzəyev Amerika tərəfindən sanksiyaların tətbiq edilməsinə münasibət bildirib. Parlament deoutatı feysbuk səhifəsində paylaşım edib və Abxaziyanı Amerikaya qarşı nümunə gətirib. O, bildirib ki, harasa getmək istəyi varsa ora Suxumidir. Mirzəyev yazıb ki, heç vaxt Amerikanı görmək arzusunda olmayıb. Gürcüstanda doğulub, böyümüş azərbaycanlı Abxaziyanı, İlori ibadətgahını görmək istəyir.

“Sizi salamlayıram, dostlar!

Gürcüstanın müstəqilliyi, həqiqi süverenliyi üçü mübarizə həlledici fazaya keçib. “Gürcü Arzusu” qərar qəbul edəndə komandanın hər bir üzvü bilirdi ki, qeyri-normal təyiqlər, hədələr, aksiyalar olacaq. Lakin biz bunun üçün hazır idik. Bizim komandanın bir olduğu heç birimizin geri çəkilməməsindən, bütün təzyiqlərə dözməsindən, gələcəkdə də dözəcəyindən görünür, amma...

Amerika Birləşmiş Ştatlarının rəsmi şəxsləri açıq anons edirlər ki, fərdi sanksiyalar tətbiq edəcəklər. Bizə və ailə üzvlərimizə Amerikada təhsil almaq qadağan olacaq. Düzünü desəm, Parlament üzvü olaraq Amerikaya getmək üçün dəfələrlə fürsətim olub. Viza problemim də olmayacaqdı, amma heç vaxt Amerikanı görmək istəyim olmayıb. Niyə? Çünki mənim başqa arzularım var, başqa yerə səyahət etmək istəyirəm və bu “başqa yer” bizim Abxaziya, Samaçablodur. Bəli, Manhettendə gəzməkdənsə, Suxumi küçələrində gəzməyə üstünlük verirəm. Nyu-Yorkda, “Azadlıq adasında” yerləşən azadlıq heykəlini görməkdən, okeanı gözdən keçirməkdənsə, Biçvinti sahilində Qara Dənizi görməyə üstünlük verirəm. Mənim üçün Azadlıq adası və Azadlıq torpağı məhz Abxaziya, Samaçablodur.

Mənə Amerikada Ritsaya bərabər olacaq yer, Abxaziyanın dəniz kənarındakı qumdan daha isti və yumşaq qum göstərin, görə bilməzsiniz, yoxdur.

Mən, Gürcüstanda doğulub, böyümüş azərbaycanlı, Abxaziyada, İlori ibadətgahını görməyi çox istəyirəm, şkillərdə, videolarda görmüşəm ki, heyrətamizdir, şəkillərdə göründüyündən daha çox heyrətamizdir.

Sanksiyalara da, hədələrə də səbr edəcəyik, dözəcəyik... Abxaziya üçün, Samaçablo üçün, Gürcüstan üçün!”, – Savalan Mirzəyev yazıb.

Mirzəyev kimi “Gürcü Arzusu”-nun bir çox deputatı Ameirkaya qarşı münaisbət bildirib.

23 may tarixində, Amerika Birləşmiş Ştatları Senatına ikipartiyalı qanun layihəsi təqdim olunub. Qanun layihəsi “gürcü xalqının aktı” adlanır və ABŞ-ın fikrincə Gürcüstanda demokratik proseslərə, Avro Atlantika yolunda hərəkət etməyə mane olan şəxslərə qarşı sanksiyalar nəzərdə tutur.

Savalan Mirzəyev bütün dinləmələrdə “Rusiya qanunu”-nun qəbulunu dəstəkləyən deputatlar sırasındadır. Onunla birlikdə siyahıda Marneuli və Qardabaninin majoritar deputatı Zaur Darğallının, Qoqi Mişvelianinin də adı var.

Gürcüstan Prezidentinin Rusiya qanununa veto qoymasından sonra belə, “Gürcü Arzusu” hələ də qanunu qəbul etməyi planlaşdırır və Venesiya Komissiyasının rəyinə, Avropa parlamentarilərinin, Avropa İttifaqına üzv dövlət liderlərinin çağırışına, “Avropa İttifaqına üzv dövlətlərin rəhbərlərinin çağırışına , ABŞ tərəfindən təklif olunan “MEGOBARI” dəstək aktına əhəmiyyət vermir. İxtisar aşağıdakı kimi açıqlanır: Mobilizing and Enhancing Georgia’s Options for Building Accountability, Resilience, and Independence Act, yəni “Hesabatlılığın, Davamlılığın və Müstəqilliyin Yaradılması üçün İmkanların Səfərbər edilməsi və Artırılması Aktı”. Həmin akta əsasən, Gürcüstan hökuməti qərbə qarşı ritorikasını və insan haqlarının pozulmasını dayandırarsa, Amerika Birləşmiş Ştatları Gürcüstanla iqtisadiyyata, təhlükəsizliyə, səyahət istiqamətlərinə təsir edəcək əhəmiyyətli yardım paketi imzalaya bilər.

Hökumətin qəbul etməyə çalışdığı qanuna görə, təşkilatlar illərdir onsuz da dövlətə təqdim etdikləri hesabatları təqdim etməlidirlər. Qanunun əsas məqsədi hökuməti tənqid edən müstəqil təşkilatlara “agent” damğası vurmaq və onları hüquqi baxımdan məhdudlaşdırmaqdır. Qanunda kilidləmə mexanizmləri yoxdur – onun konkret hansı dövlətdən alınan maliyyəyə aid olacağı yazılmayıb və təşkilatların məqsədi qeyd olunmayıb. Bu deməkdir ki, hökumət qanunu bütün təşkilatlara şamil edəcək. Hətta üçüncü oxunuşda qəbul edilən qanunda düzəlişlər edilib ki, qanun təkcə təşkilatlara deyil, fiziki şəxslərə də şamil edilir. Ona görə də qanun rus qanunudur, çünki o rus ruhunu daşıyır, Gürcüstanı Avropadan, Amerikadan ayırır.

Rusiya qanununun irəli sürülməsi vətəndaşların etirazına və bu onların Parlament binası qarşısında etiraz aksiyası keçirməsinə səbəb olub. Vətəndaşların əsas tələbi dəyişməzdir - Parlament rus qanununu qəbul etməməlidir. Vətəndaşların etirazlarına baxmayaraq, “Gürcü Arzusu” hələ də “xarici şəffaflıq” rus qanununu qəbul etmək və Gürcüstanın Avroatlantik kursunu dəyişmək niyyətindədir. Rusiya qanunu ləğv olunmayana qədər vətəndaş sektorunun, müstəqil medianın və vətəndaşların etirazları bitməyəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.