23 iyul tarixində, Marneulinin Aşağı Saral kəndində yol-nəqliyyat hadisəsi baş verib. Məlumata görə, qəza nəticəsində 2 nəfər həlak olub. Hadisə şahidlərinin sözlərinə görə, yanacaq daşıyan avtomobil yük maşını ilə toqquşub. "Marneuli" radiosu təfərrüatları Daxili İşlər Nazirliyindən öyrənib. 

Daxili İşlər Nazirliyindən "Marneuli" radiosuna verilən məlumata görə, hadisə ilə bağlı Cinayət Məcəlləsinin yol hərəkəti təhlükəsizliyi və ya nəqliyyat vasitələrinin istismarı qaydalarının 2 və daha artıq insanın ölümü ilə nəticələnən pozulmasını nəzərdə tutan 276-cı maddəsinin səkkizinci hissəsi ilə istintaq başladılıb.