Daxili İşlər Nazirliyinin məlumatına görə, polis 5 nəfəri nikaha daxil olmaq məqsədilə qanunsuz olaraq azadlıqdan məhrum edib.

İstintaqın versiyasına görə, saxlanılan şəxslərdən biri 2000-ci il təvəllüdlü qızın azadlığına qanunsuz mane olub və onunla evlənmək üçün ona cinsi zorakılıq edib.

Saxlanılan 4 nəfər qızı qanunsuz olaraq azadlığından məhrum etməkdə ittiham olunur.

Polis qaçırılan qızı Kaxetinin kəndlərindən birində tapıb.

“Daxili İşlər Nazirliyinin Kaxeti Polis İdarəsinin Laqodexi rayon şöbəsinin əməkdaşları həyata keçirdikləri əməliyyat-axtarış tədbirləri nəticəsində qrup şəklində qanunsuz məhdudlaşdırma və seksual xarakterli cinayətlərdə ittiham edərək 5 nəfəri saxlayıb.

Cinayətlər 10 ilə qədər həbslə cəzalandırılır.

İstintaqla müəyyən edilib ki, A.M. onunla evlənmək üçün 2000-ci il təvəllüdlü G.Q.-nin azadlığına qanunsuz mane olub, ona qarşı cinsi zorakılıq edib. Həmçinin, hazırda təqsirləndirilən şəxs qismində həbs olunanlar qanunsuz azadlıqdan məhrumetmədə iştirak ediblər: İ.F., J.İ., S.A. və M.B.

Polisin apardığı intensiv axtarış və istintaq tədbirləri nəticəsində qaçırılan qızı rayonun Qaracalar kəndində tapıb. Hadisə ilə bağlı Gürcüstan Cinayət Məcəlləsinin 143 və 137-ci maddələri ilə araşdırma aparılır”, - Daxili İşlər Nazirliyi bildirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---