Avropa Birliyinin Gürcüstandakı nümayəndəliyi bildirib ki, ölkə daha çox “agentlər qanunu”ndan qaynaqlanan demokratik geriləmə səbəbindən 121 milyon avro yardım itirəcək. Bu büdcə dəstəyidir.

Bu 121 milyona son iki ildə ölkəyə ayrılan və xərclənməmiş pullar daxildir.

"Hər il ayrılan vəsaitlər həmin ildə tam xərclənmir, buna görə də 2022 və 2023-cü illərdə hökumət üçün birbaşa nəzərdə tutulmuş qalan

vəsait itiriləcək", - Aİ nümayəndəliyinin məlumatında izah edilib.

Beynəlxalq tərəfdaşların çağırışlarına baxmayaraq, mayın 28-də Gürcüstan parlamenti prezidentin “Agentlər haqqında qanun”a vetosunu aşdı. Bu qanun ölkənin strateji tərəfdaşlarından maliyyə alan bütün qeyri-hökumət və media təşkilatlarını xarici təsir maraqlarının daşıyıcısı elan edir.

Bu qanunun qəbulundan sonra Gürcüstanın ən yaxın tərəfdaşları olan Avropa İttifaqı və ABŞ layihələrin bir hissəsini maliyyələşdirməyi dayandırıblar, çünki onlar hesab edirlər ki, ölkə hakimiyyəti Avropaya inteqrasiya kursunu dəyişib. Üzvlərinə “Gürcüstanda demokratiyanı sarsıtmaq” ittihamı ilə ABŞ tərəfindən sanksiya tətbiq edilən hakim partiyada bunun əksi iddia edilir.

Konstitusiya Məhkəməsinə müraciət edən Gürcüstan prezidenti, müxalifətçi deputatlar, qeyri-hökumət və media qurumları hesab edirlər ki, hakim partiyanın qəbul etdiyi “Gürcü arzusu” qanunu Konstitusiyanı pozur, Avropaya inteqrasiyanın elan olunmuş kursuna ziddir.

Şikayət müəllifləri və vətəndaşlar 1 aydan artıqdır ki, məhkəmənin qərarını - məsələ ilə bağlı müzakirələr bitənə qədər qanunun fəaliyyətinin dayandırılıb-dayandırılmamasını gözləyirlər.