“Bidzina İvanişvilinin vaxtı başa çatıb və 5 gündən
sonra bütün Gürcüstan bunu təsdiq edəcək”, - bunu
“Birlik-Milli Hərəkat” proqramının icmal təqdimatında “Birlik-Milli
Hərəkat”ın sədri Tina Bokuçava bildirib.
Onun sözlərinə görə, gürcü xalqı Avropanın gələcəyindən əl
çəkməyəcək və Gürcüstan bunu 5 günə sübut edəcək.
“Dünən həqiqətən çox mühüm gün idi ki, azadlıqsevər
gürcü xalqı bir daha Azadlıq meydanına toplaşaraq bütün dünyaya və
Bidzina İvanişviliyə gürcü xalqının Avropanın gələcəyindən əl
çəkməyəcəyini bildirdi və biz bunu düz 5 gün sonra sübut edəcəyik.
.
Bidzina İvanişvili akvariumla ölkəni gəzir və öz adamları ilə əl
sıxmaqdan qorxur. Niyə? Çünki 12 illik nifrət siyasəti, yalan
üzərində qurulmuş qorxu siyasəti, yoxsulluq, işsizlik və beynəlxalq
təcrid heç nə gətirmədi. Ona görə də İvanişvili bilir ki, onun
vaxtı bitib. Bəli, İvanişvilinin vaxtı bitdi və 5 gündən sonra
bütün Gürcüstan bunu sübut edəcək”, - deyə Tina
Bokuçava bildirib.
Bundan əlavə, Bokuçava bir daha “Birlik – Milli Hərəkat” seçki
proqramını toplaşan ictimaiyyətə təqdim edib.
“Biz hakimiyyətə gələn kimi Avropa İttifaqına daxil
olmaq üçün danışıqlara başlayacağıq. Gürcüstana 14 milyard avroya
çıxış imkanı veriləcək. Proqramımız azad, rəqabətli bazar
şəraitində qurulub, burada hökumət indi İvanişvili hökuməti
dövründə olduğu kimi, maneçilik deyil, dəstəkləyici rol
oynayır.
Növbəti sözümüz pensiya kreditlərini ləğv etməkdir.
İctimaiyyətə xatırlatmaq istədiyim daha bir vəd “qiymət mafiyası”na
son qoymaqdır. “Qiymət mafiyası” məhz İvanişvilinin klan
idarəçiliyi nəticəsində süni şəkildə yaradılır. Bu da qiymətlərin
fəlakətli şəkildə artmasına gətirib çıxarır.
Biz Gürcüstana mühacirət etməyə məcbur olmuş insanların geri
qaytarılması üçün prezident Mixail Saakaşvilinin milyard dollarlıq
fondunu yaradacağıq.
5 günə beşi rəngləndirək! Biz birliklə qalib gəlirik! Biz birlikdə
“Gürcü Arzusu”nu məğlub edirik! Rəqabət edəndə həmişə qalib
gəlirik. “Birlik – Milli Hərəkat” qələbənin əsas lokomotivi olacaq!
Biz birliklə qalib gəlirik!", - Tina Bokuçava
bildirib.