26 oktyabr tarixində Marneuli bələdiyyəsində keçirilən Parlament seçkilərinin nəticələri artıq məlumdur. Dairə Seçki Komissiyasının məlumatlarına əsasən, seçki günü Marneulili seçicilər 43% aktivlik göstəriblər, müvafiq olaraq seçicilərin 57%-i seçkilərdə iştirak etməyib. Marneuli bələdiyyəsində qeydiyyatdan keçmiş seçicilərin ümumi sayı 101,572 nəfərdir, bu da deməkdir ki, təxminən 57 714 nəfər səsvermə hüququndan istifadə etməyib.

Səhvlərin hesablanması: Səhv olub-olmamasını müəyyən etmək üçün seçkidə iştirak edən seçicilərin sayı, verilmiş səslərin cəmi və etibarsız bülletenlərin sayı müqayisə edilməlidir. Dairə Seçki Komissiyasının nümayəndəsi qeyd edib ki, 5 məntəqənin məlumatları yenidən hesablanmalıdır, bu da etibarsız bülletenlərin sayının arta biləcəyini göstərir.

Gösətricilər:

• 1. İştirak edən seçicilər: 43 858
• 2. “Gürcü arzusu”-nun səsləri: 34.385
• 3. Digər partiyaların səsləri: 8802
• 4. Etibarsız bülletenlər: 1190

Hesablama prosesi:

• “Gürcü arzusu”-nun, digər partiyaların səslərini və etibarsız sayılmış bülletenləri toplayaq: 34,385 + 8,802 + 1,190 = 44,377
• Hesablanmış səslərin cəmini (44 377) iştirak edən seçicilərin sayı (43 858) ilə müqayisə edək. Səhv: 44,377 (Ümumi səslər) - 43,858 (İştirak edən seçicilər) = 519. Nəticədə səhv 519 səs təşkil edir ki, bu da verilən səslərin ümumi sayının iştirak edən seçicilərin ümumi sayından 519 səs çox olduğunu göstərir.

Mümkün səbəblər: Bu səhv bir və ya bir neçə seçicinin nəzəri olaraq iki və ya daha çox səs verməsi ilə bağlı ola bilər.

26 oktyabrda Parlament seçkilərinin keçirilməsindən sonra bir neçə beynəlxalq təşkilat artıq öz qənaətlərini bildiriblər və Marneulidə baş vermiş pozuntuların bir neçə nümunəsini qeyd ediblər. Ən çox müzakirə olunan hadisə Marneulinin Sadaxlı kəndindəki 69 saylı məntəqədə Bələdiyyə Məclisinin “Gürcü Arzusu” partiyasından olan deputatı tərəfindən bülletenlərin qalaqla qutuya atılması faktıdır. Müşahidəçinin yayımladığı görüntülərdən sonra bu məntəqə ləğv olunub.
Beynəlxalq təşkilatlar:

ODIHR (OSCE Office for Democratic Institutions and Human Rights) - Onlar Gürcüstanda missiya yerinə yetirirlər və artıq ilk hesabatlarını dərc ediblər, həmin hesabatlarda prosesdə bəzi qanun pozuntularının və problemlərin müşahidə olunduğu qeyd olunub.

IRI (International Republican Institute) - IRI-ölkədə seçki prosesini müşahidə edən 28 qısamüddətli müşahidəçi cəlb edib. Onlar səsvermə və bülletenlərin sayılması da daxil olmaqla, seçki günü proseslərinə diqqət yetirirlər.

Qanun pozuntularına nümunələr:

• Səsvermə bülletenlərinin dublikasiyası: Müşahidəçilər bir neçə seçki məntəqəsində qanun pozuntularını qeydə alıblar və bu səsvermə prosesində qanuniliklə bağlı suallar doğurmuşdur.
• Səsvermə prosesində baş verən pozuntular: bir sıra məntəqələrdə yoxlama zamanı təxribat yaradan bir sıra vətəndaşların səsvermədə iştirak edə bilməyəcəyi yazılıb.
• İnzibati problemlər: bir neçə məntəqədə inzibati xətaların aşkarlandığı və bunun səslərin sayına təsir etdiyi qeyd olunur.

28 oktyabr tarixində Gürcüstan Prezidentinin elan etdiyi brifinqdə müxalifət partiyaları öz tələblərini tərəfdarlarına təqdim ediblər. Müxalifət liderləri nəticələri tanımadıqlarını bildirir və beynəlxalq müşahidə qruplarının köməyi ilə seçkilərin ləğv edilməsini, təkrar seçkilərin təyin edilməsini tələb edirlər. Onlar keçirilən seçkilərin qanunsuz, ciddi qanun pozuntuları ilə yadda qaldığı qənaətinə gələrək Parlamentə daxil olmaqdan imtina ediblər və mandatlarını ləğv ediblər.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---