Marneuli yerli özünüidarəsi Marneuli şəhərinin iki küçəsində drenaj kanallarının çəkilməsi üçün “Pila 2010” MMC ilə iki sadələşdirilmiş müqavilə imzalayıb. Sadələşdirilmiş müqavilələrə əsasən, küçələrdə drenaj kanallarının çəkilməsi “Vətəndaşların iştirakının inkişafına dəstək” təşəbbüsü çərçivəsində həyata keçiriləcək.

Marneuli şəhərinin Cavaxişvili küçəsində drenaj kanallarının çəkilməsi üçün 31 554 lari 99 tetri, Lermontov küçəsində isə 9 859 lari 89 tetri dəyərində müqavilələr imzalanıb.

Qeyd edək ki, Marneuli meriyası “Vətəndaş İştirakı İnkişafına Dəstək” təşəbbüsü çərçivəsində Marneulidə 14 parkın salınması üçün “Pila 2010” ilə də sadələşdirilmiş qaydada müqavilələr imzalayıb. Marneuli meriyası parkların salınması üçün “Pila 2010” şirkəti ilə 714 261 lari dəyərində müqavilə imzalayıb.

“Vətəndaşların iştirakının inkişafına dəstək” təşəbbüsü Gürcüstan hökumətinə məxsusdur. Təşəbbüs çərçivəsində hökumət Gürcüstanın 54 bələdiyyəsinə pul ayırıb və bələdiyyələrdə həyata keçirilməli olan layihələri əhali seçməli idi.

“Marneuli” radiosunun məktubuna Marneuli meriyasının rəsmi cavabında bildirilib ki, “Vətəndaşların iştirakının inkişafına dəstək” təşəbbüsü çərçivəsində vətəndaşlarla məsləhətləşmələr aparılıb. Marneuli meriyası məsləhətləşmələrin hansı yaşayış məntəqələrində keçirildiyini, onlarda neçə vətəndaşın iştirak etdiyini və sözügedən məsləhətləşmələri konkret olaraq kimin apardığını dəqiq qeyd etməyib.

Gürcüstan hökumətinin qərarına əsasən, “Gürcüstanın regionlarında həyata keçiriləcək layihələr fondundan” 20 000 000 lari ayrılıb və bu vəsait 54 bələdiyyəyə bölünüb. Marneuli meriyası hökumətin ayırdığı vəsaitdən 756 716 lari alıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---