Kvemo Kartlidə "TV Pirveli" telekanalının jurnalisti Mariam Makasaraşvili çəkiliş zamanı fiziki zorakılığa məruz qalıb. Hadisə Qiorqi Sincikaşvilinin yaşadığı evin yaxınlığında baş verib. Telekanalın çəkiliş qrupu onun vəzifədən istefası ilə bağlı şərh almaq məqsədilə əraziyə gedibmiş.

“Biz Qiorqi Sincikaşvilinin evinin qarşısında idik. O, sosial şəbəkədə Kvemo Kartli qubernatorunun birinci müavini vəzifəsindən istefa verdiyini açıqladıqdan sonra onun bu

qərarı ilə bağlı suallarımızı ünvanlamaq üçün ora getmişdik. Evin yaxınlığında ailə üzvləri ilə qarşılaşdıq. Atasından qısa bir müsahibə də götürdük. Bildirdi ki, oğlunun istefasını yeni öyrənib.

Artıq ərazidən uzaqlaşmaq üzrə idik ki, Qiorqi Sincikaşvilinin atası qəfil aqressivləşdi. Əvvəlcə operatorumuzun əlindən çəkiliş kamerasını zorla aldı. Ardınca mənə yaxınlaşıb şəxsi mobil telefonumu əlimdən alaraq fiziki zorakılıq tətbiq etdi”, – deyə Mariam Makasaraşvili bildirib.

"TV Pirveli"nin prodüseri Nodar Meladze də insidenti təsdiqləyərək qeyd edib ki, keçmiş qubernator müavininin atası jurnalistə qarşı fiziki zorakılıq tətbiq edib, onun telefonunu və telekanala məxsus avadanlığı əlindən alıb. Meladzenin sözlərinə görə, hadisə yerinə hələ də polis gəlməyib.

Telekanal baş verənləri Qiorqi Sincikaşvilinin bu gün səhər verdiyi istefa bəyanatı ilə əlaqələndirir.

• Kvemo Kartli qubernatorunun birinci müavini vəzifəsini tərk edib

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---