Mübahisəli Gürcüstan parlamentinin spikeri Şalva Papuaşvili öz Facebook səhifəsində “Vaymar üçbucağı”na daxil olan ölkələrin

– Almaniya, Polşa və Fransa liderlərinin Gürcüstanın Müstəqillik Günü münasibətilə verdiyi birgə bəyanata cavab verib və onu “utancverici” adlandırıb.

Qeyd olunan bəyanatda Gürcü xalqının Avropa İttifaqına inteqrasiya arzusu dəstəklənir və Gürcüstan hökumətinin demokratiyanın geriyə dönməsinə səbəb olan addımları qınanır.

Papuaşvili yazıb:
“Gürcü xalqına və Gürcü dövlətinə qarşı, onun milli bayramı günü edilən utancverici hücumdur.”
Fransa Prezidenti Emmanuel Makron, Polşanın Baş naziri Donald Tusk və Almaniya Kansleri Fridrix Merz öz birgə bəyanatlarında Gürcü hökumətindən aşağıdakı addımları atmasını tələb edirlər:
• İfadə və toplaşma azadlığı qorunmalıdır;
• Güc tətbiqinin həddindən artıq halları araşdırılmalıdır;
• Avropa standartlarına zidd olan qanunlar dəyişdirilməlidir;
• Tələb olunan islahat prosesi bərpa olunmalıdır;
• Gürcüstan hökuməti müxalifət və vətəndaş cəmiyyəti ilə dialoqu bərpa etməlidir.

Bəyanat bu sözlərlə tamamlanır:
“Gürcü xalqının ölkənin Avropa yoluna çıxış imkanları əlindən alınmamalıdır.”

Qeyd edək ki, Vaymar üçbucağına daxil olan bu ölkələrin liderləri həm 2024-cü il parlament seçkiləri ərəfəsində, həm də ondan sonra dəfələrlə “Gürcü Arzusu” hökumətinin Avropa İttifaqı və onun üzv dövlətlərinə qarşı aqressiv ritorikasından narahatlıqlarını ifadə ediblər. Onlar Gürcüstan hökumətini kursunu dəyişməyə, Avropa yoluna qayıtmağa və islahatları bərpa etməyə çağırıblar.

Xatırladaq ki, 26 may – Gürcüstanın Müstəqillik Günüdür və bu il Gürcüstanın müstəqillik aktının qəbulundan 107 il ötür.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---