30 iyun tarixində Gürcüstanın Təhsil, Elm və Gənclər naziri Aleksandre Tsuladze şəxsi qərarı ilə vəzifəsindən getdiyini bəyan edib.

Onun sözlərinə görə, nazir vəzifəsində olduğu dövrdə təhsilin bütün pillələrində keyfiyyətin artırılmasına yönəlmiş bir sıra vacib təşəbbüslər həyata keçirilib:

“Nazirliyin əməkdaşları ilə birlikdə təhsilin bütün səviyyələrində keyfiyyətin yüksəldilməsi istiqamətində bir sıra mühüm təşəbbüslər irəli sürdük. Həmçinin bir neçə

innovativ layihə üzərində işləməyə başladıq. İnanıram ki, yeni nazir həmin layihələrin uğurla başa çatdırılmasını təmin edəcək”, – deyə bəyanatda bildirilir.

Tsuladze Təhsil Nazirliyinin əməkdaşlarına, baş nazirə, həmkarlarına və hökumət komandasına təşəkkürünü bildirib:

“Təhsil Nazirliyində çalışan hər bir əməkdaşa təşəkkür edirəm – onlar təhsil sisteminin inkişafı və ölkənin daha yaxşı gələcəyi naminə fədakarlıqla çalışırlar. Həmçinin Gürcüstanın baş nazirinə, həmkarlarıma və hökumət komandasına minnətdarlığımı bildirirəm – onlarla birlikdə ölkəmizin xeyrinə çalışmaq imkanı əldə etdim.”

Aleksandre Tsuladze 2024-cü ildə təhsil naziri vəzifəsinə təyin olunmuşdu. Onu bu vəzifədə kimin əvəz edəcəyi hələlik məlum deyil.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---