Marneulidə aşkarlanmış abidəyə mədəni irsi abidə statusu veilib
Marneuli
bələdiyyəsinin Qasımlı kəndində e.ə. V-IV əsrlərə aid eneolit
sığınacağa 5 fevral 2019-cu il tarixində Gürcüstan Milli Mədəni
İrsin
Qorunması Agentliyinin direktoru Nikoloz
Antadzenin müvafiq əmri ilə mədəni-irsi abidə statusu verilib.
Mağara dağın yamaclarında yerləşir. Yerli sakinlər buranı
“Dəmirqaya” adlandırırlar. Mağaranın ölçüləri kiçikdir – təxminən
5.5x7.3m.-dir (daxili sahə - 3.6x5.5m). Mağaranın daxilində mərkəz
və şərq hissəsində (fasad tərəfdən) qırmızı rənglə çəkilmiş
təsvirlər (ölçüləri 10-20 sm.) var ki, bunlardan bəziləri xarab
olub və silinib, lakin bunlardan bəziləri aydın seçilir.
O cümlədən zoomorf (maral və digər heyvanlar) və həndəsi təsvirlər
var ki, bunların da oxunması təsvirlərin yaxşılaşdırılması üçün
istifadə olunan Dstretch kompüter proqramı ilə mümkün olub.
Divarının nazik olan hissəsində kiçik dağılmaları nəzərə almasaq,
abidədə ciddi xəsarətlər yoxdur. Xəsarətlər əsasən təsvirlərdə var
ki, buna da insanların təsiri olub.
Gələcəkdə abidəyə belə zərər vurulmasının qarşısının alınması üçün
onun ətrafının xüsusi hasara alınması və məlumatlandırıcı
lövhələrin vurulmasına ehtiyac var ki, yerli sakinlər mədəni irsi
abidəyə ehtiyatla yanaşsınlar. Bu Gürcüstanda qayalıqda düzəldilmiş
yeganə süni sığınacaqdır ki, qədim qaya daşlarında təsvirlərin
izləri qalıb.